ნიკა მელია - „ქართული ოცნება" ინდულგენციის მოპოვებისთვის იბრძვის ამნისტიის ფარგლებში - მე არც ერთი ოპონენტის ციხეში გამწესება არ მომინდება, როცა ჩვენ ვიქნებით ხელისუფლებაში და ჩვენ აუცილებლად ვიქნებით

„ქართული ოცნება" ინდულგენციის მოპოვებისთვის იბრძვის ამნისტიის ფარგლებში. მე არც ერთი ოპონენტის ციხეში გამწესება არ მომინდება მაშინ, როცა ჩვენ ვიქნებით ხელისუფლებაში და ჩვენ აუცილებლად ვიქნებით,- ამის შესახებ „ნაციონალური მოძრაობის" თავმჯდომარემ ნიკა მელიამ ჟურნალისტებს განუცხადა, როდესაც მმართველი პარტიის მიერ ინიცირებულ ამნისტიის კანონპროექტზე ისაუბრა.

ნიკა მელიას თქმით, ოპოზიციაში არც ერთ ადამიანს არ იცნობს, ვინც მიესალმება ამ სახით ამნისტიის დამტკიცებას და გავრცელებას დამნაშავეებზე. მისივე განმარტებით, რა თქმა უნდა, „ქართული ოცნება" მიიღებს იმას, რაც სურს, იმიტომ, რომ ჯერჯერობით ისინი არიან უმრავლესობაში, თუმცა ნებისმიერი ასეთი ტიპის გადაწყვეტილება, რომელსაც ისინი ხორცს შეასხამენ, თუ ვინმესთვის განსაკუთრებით დამაზიანებელი იქნება, მათთვის იქნება. როგორც მელიამ აღნიშნა, მთელი საერთაშორისო საზოგადოება დაინახავს, რომ ეს გაკეთდა მათივე უსაფრთხოებისთვის.

„ისინი ინდულგენციის მოპოვებისთვის იბრძვიან ამნისტიის ფარგლებში. მე არც ერთი ოპონენტის ციხეში გამწესება არ მომინდება მაშინ, როცა ჩვენ ვიქნებით ხელისუფლებაში და ჩვენ აუცილებლად ვიქნებით. რა წილით ვიქნებით წარმოდგენილი ხელისუფლებაში, კოალიციის ფარგლებში თუ ა.შ. ეს სხვა საკითხია, მაგრამ აუცილებლად რომ ვიქნებით, ეს ზუსტად ვიცი.

მე არავის მინდა ვუსურვო და ყველაფერს გავაკეთებ, არავინ მოხვდეს ციხეში, განსაკუთრებით უდანაშაულო ადამიანი. თუნდაც სამოხელეო დანაშაულზეც ადამიანი ვფიქრობ, რომელიც რეჟიმს დაემორჩილა, შესაძლებელია არ მოხვდეს, მაგრამ ციხეში არ მოხვედრა და პასუხისმგებლობის მთლიანად თავიდან აცილება ვინმესთვის - ეს სხვადასხვა საკითხია. მე არასდროს მინდა ციხეში წარმოვიდგინო ბატონი ანზორ ჩუბინიძე და ყველაფერს გავაკეთებ, რომ ეს ასე არ მოხდეს. ანზორ ჩუბინიძემ, რა თქმა უნდა, მინიმუმ მორალური, საზოგადოებრივი და პოლიტიკური პასუხისმგებლობა უნდა აიღოს თავის დროზე ისე, რომ ის ციხეში არ მოხვდეს. გულშემატკივარი ვიქნები, რომ არ მოხვდეს, მაგრამ საზოგადოებამ უნდა იცოდეს, რომ მან დანაშაული ჩაიდინა ისევე, როგორც სხვებმა, როგორც ჩანს, ბატონმა გახარიამაც. ბატონმა გახარიამაც უნდა აღიაროს, რომ მინიმუმ ის შეცდა, მოინანიოს ის რაც მან გააკეთა, თუმცა ეს არ ნიშნავს იმას, რომ ციხის კარი უნდა გავუღოთ.

ყასიდად არ უნდა ვისაუბროთ თანხმობაზე ქვეყანაში დაპირისპირებულ ჯგუფებს შორის და სინამდვილეში ადამიანებს ციხის კარებს უღებდე. უნდა მოხდეს და აუცილებლად მოხდება ხელისუფლებაში ჩვენი მოსვლის შემდეგ მაქსიმალური ურთიერთგაგება დაპირისპირებულ საზოგადოებრივ-პოლიტიკურ ჯგუფებს შორის. ამას ხელს შეუწყობს სამართლიანი პოლიტიკური საარჩევნო სისტემა. მერე, როდესაც ოპოზიცია ხელისუფლებაში მოვა ყველაფერი იქნება სისტემაში მოყვანილი“, - აცხადებს ნიკა მელია.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი