პარლამენტში საარჩევნო რეფორმასთან დაკავშირებით, უმრავლესობისა და საპარლამენტო ოპოზიციის შეხვედრა მიმდინარეობს.

შეხვედრის მონაწილეებმა საარჩევნო კანონმდებლობასთან დაკავშირებით ერთმანეთს საკუთარი წინადადებები უნდა გააცნონ. შეჯერებულ დოკუმენტს კი ვენეციის კომისიას გადაუგზავნიან.

მხარეები იმედოვნებენ, რომ მათი პოზიციების დაახლოება მოხდება, თუმცა იურიდიულ საკითხთა კომიტეტის თავმჯდომარე ანრი ოხანაშვილი არ გამორიცხავს, რომ კიდევ ერთი შეხვედრა გახდეს საჭირო.

საარჩევნო რეფორმასთან დაკავშირებით უმრავლესობასა და ოპოზიციას შორის ეს რიგით მეორე შეხვედრაა. პირველი შეხვედრა მათ კაჭრეთში სამი დღის წინ გამართეს.