იმის გამო, რომ 113 ხმაზე 3 ხმით მეტია პარლამენტში გარდაუვალ აუცილებლობას არ წარმოადგენს „ნაციონალური მოძრაობის“ შემოსვლა, - ამის შესახებ „ევროპელი სოციალისტებს“ ერთ-ერთმა ლიდერმა დავით ზილფიმიანმა პარლამენტში „ნაციონალური მოძრაობის“ შესვლასთან დაკავშირებით განაცხადა.

მისივე თქმით, „ნაციონალური მოძრაობა“ თავს იღუპავს, რადგან უცხოეთიდან „ნაცფარაონების“ მითითებებით ხელმძღვანელობს.

,,იმის გამო, რომ 113 ხმაზე 3 ხმით მეტია პარლამენტში გარდაუვალ აუცილებლობას არ წარმოადგენს „ნაციონალური მოძრაობის“ შემოსვლა, თუმცა თუ შემოვლენ ვთვლი, რომ კარგი იქნება. თუ არ შემოვლენ, ყველაფერი გაგრძელდება და გადაწყდება, 116 კაცს ყველანაირი უფლებამოსილება აქვს. „ნაცმოძრაობა“ თავის თავს იღუპავს, მას შემდეგ რაც ხელმძღვანელობს „ნაცფარაონების“ მითითებით უცხოეთიდან“, - აღნიშნა დავით ზილფიმიანმა.

მისივე განცხადებით, საარჩევნო სისტემის რეფორმის განხილვა კარგად მიმდინარეობს და ამ კუთხით, კონფლიქტური სიტუაცია არ არის.

,,ყველაფერი ამ ეტაპზე მიდის კარგად, ისეა რაც ქვეყანას სჭირდება მომავალი არჩევნებისთვის და რასაც გულისხმობდნენ ჩვენი ევროპელი მეგობრები. ამ მიმართულებით ვერ ვხედავ, რომ რაიმე კონფლიქტური სიტუაციაა, ან რაღაცაზე შეიძლება წავბორძიკდეთ. მე პირადად ჩართული ვარ ტექნიკურ ნაწილში, რომლითაც ჩვენ ელექტრონული არჩევნების ფორმატზე უნდა გადავიდეთ. ვცდილობთ, რომ ალგორითმი არავითარ შემთხვევაში არ იყოს დამოკიდებული ადამიანურ ფაქტორზე, ჩვენ ვამბობდით, რომ ყველა არჩევნები ყალბდება და ნდობის ფაქტორი გვაკლდა, ახლა ნდობის ფაქტორიც იქნება ასახული“, - განაცხადა დავით ზილფიმიანმა.