ქარელში დაზიანებული წყლის მაგისტრალური მილის აღდგენითი სამუშაოები აქტიურად გრძელდება. ამის შესახებ ინფორმაციას გაერთიანებული წყალმომარაგების კომპანია ავრცელებს.

მათივე ცნობით, დაგეგმილი ტექნიკური სამუშაოების გამო, წყალმომარაგება დროებით შეიზღუდა.

„დღეს დილიდან, ადგილზე მობილიზებული არიან როგორც ქარელის, ასევე კასპისა და გორის საავარიო ბრიგადები. მიმდინარეობს ინტენსიური სამუშაოები, რომ დროულად აღდგეს წყლის მიწოდება. სამუშაოების ფარგლებში ალტერნატიული ქსელი მოეწყობა. გარდა ამისა, კომპანია აბონენტებს, წყალს წყალმზიდების საშუალებით მიაწვდის.

წყალმომარაგების კომპანიის აბონენტებს, წინასწარ გაეგზავნათ SMS შეტყობინებები. გაერთიანებული წყალმომარაგების კომპანია, ბოდიშს უხდის აბონენტებს შექმნილი დისკომფორტის გამო”,- ნათქვამია ინფორმაციაში.