ე.წ. დავით გარეჯის საქმეზე საგარეო საქმეთა სამინისტროს საგანგებო დავალებათა ელჩი გელა დუმბაძე დაიკითხა. ის 2002-2005 წლებში აზერბაიჯანში საქართველოს საელჩოს მრჩეველი იყო. როგორც დუმბაძემ განმარტა, კომისიის რამდენიმე სხდომას ესწრებოდა.

“ჩემი დაკითხვა სასამართლოზე მოხდა იმ კონტექსტში, რომ 2002-2005 წლებში გახლდით საქართველოს საელჩოს მრჩეველი აზერბაიჯანში და ვესწრებოდი საზღვრის დელიმიტაციის ორ სხდომას, ტექნიკური საკითხები როგორ მიმდინარეობდა. წლების განმავლობაში მიმდინარეობდა ეს პროცესი, დღესაც გრძელდეება. ზოგადად მივეცი ჩვენება, როგორც მრჩეველმა, რომელიც ესწრებოდა რამდენიმე სხდომას. როდესაც მე ვესწრებოდი სხდომას, არავითარი ნიშანი, ერთი ხინჯიც არ არსებობდა იმისა, რომ ვიღაც რაღაცას ქვეყნის საწინააღმდეგოდ იღებდა",- განაცხადა დუმბაძემ.