თეონა ჭალიძის განაცხადებით, ოჯახში ძალადობის შემთხვევების მზარდი მონაცემების გათვალისწინებით, თავშესაფრებზე მოთხოვნა შესაძლოა გაიზარდოს

„სტრატეგია აღმაშენებლის“ სოციალური მიმართულების ხელმძღვანელის თეონა ჭალიძის განაცხადებით, დღეის მდგომარეობით ქვეყნის მასშტაბით, ძალადობის მსხვერპლთა მომსახურების ხუთი დაწესებულება ფუნქციონირებს.

მისი თქმით, ოჯახში ძალადობის შემთხვევების მზარდი მონაცემების გათვალისწინებით, თავშესაფრებზე მოთხოვნა შესაძლოა კიდევ უფრო გაიზარდოს.

„ჯამში ბენეფიციართა ლიმიტი 83-ია. აღსანიშნავია, რომ 2021 წლის 3 თვის განმავლობაში ძალადობის მსხვერპლთა თავშესაფრების მომსახურებით ისარგებლა 110-მა ბენეფიციარმა. ოჯახში ძალადობის შემთხვევების მზარდი მონაცემების გათვალისწინებით თავშესაფრებზე მოთხოვნა შესაძლოა კიდევ უფრო გაიზარდოს, ხოლო შემდეგ ბენეფიციარების სოციალურ-ეკონომიკურ მდგომარეობაზეა დამოკიდებული რამდენად შეძლებენ საცხოვრებელი პირობების უზრუნველყოფას.

ხაზგასასმელია, რომ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო არ ფლობს ინფორმაციას ბენეფიციართა შესახებ, ჰქონდათ თუ არა სოციალურად დაუცველის სტატუსი, იღებდნენ თუ არა საარსებო შემწეობას და თავშესაფარში გადაყვანის შემდეგ შეუჩერდათ ან შეუწყდათ თუ არა საარსებო შემწეობა. აღნიშნულ მონაცემებს სამინისტრო არ ამუშავებს. სტატისტიკას არ აწარმოებენ, არც თბილისის მერიასა და რაიონული გამგეობების უმრავლესობაში. კითხვაზე თუ რამდენ ძალადობის მსხვერპლის სტატუსის მქონე პირს გაეწია დახმარება და რა სახის დახმარება იყო ეს, ინფორმაცია მოგვაწოდა მხოლოდ დიდუბის, საბურთალოს და ჩუღურეთის რაიონულმა გამგეობებმა. რაც შეეხება, სხვა გამგეობებს აღნიშნული მიმართულებით სტატისტიკას არ აწარმოებენ“,- განაცხადა თეონა ჭალიძემ.

როგორც ჭალიძე აღნიშნავს, მერიის ბიუჯეტით არ არის გათვალისწინებული მიზნობრივი პროგრამა, რომლის ბენეფიციარებიც ძალადობის მსხვერპლის სტატუსის მქონე პირები იქნებოდნენ.

„სტატისტიკის არ წარმოება, მიზნობრივი პროგრამის არ არსებობა, მონაცემების არ დამუშავება ვფიქრობ მიუთითებს იმაზე, რომ განსაკუთრებულად მოწყვლად ადამიანებს ყურადღება სათანადოდ არ ექცევათ. მაგალითად საგამონაკლისო წესით ბინის ქირის გადახდა თავშესაფრიდან წამოსული ძალადობის მსხვერპლის სტატუსის მქონე პირისთვის ძალიან მნიშვნელოვანი საჭიროებაა და მხარდაჭერაა. ასევე, მნიშვნელოვანია საარსებო შემწეობის შენარჩუნება, თავშესაფარში გადაყვანილი სოციალურად დაუცველის სტატუსის მქონე ძალადობის მსხვერპლის სტატუსის მქონე პირისთვის. მნიშვნელოვანია ამ საკითხებზე დაფიქრება, მონაცემების დამუშავება, სტატისტიკის წარმოება და შესაბამისი ქმედითი ნაბიჯების გადადგმა ჯანდაცვის სამინისტროსა და ადგილობრივი თვითმმართველობის ორგანოების მხრიდან“,- აღნიშნა თეონა ჭალიძე.

ინფორმაციას ,,სტრატეგია აღმაშენებლის“ პრესსამსახური ავრცელებს.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია