გიორგი დონაძე - ანზორ ერქომაიშვილის ყველაზე დიდი გამარჯვებაა, რომ დატოვა ბევრი ადამიანი, ვინც ქართულ, ტრადიციულ კულტურას, ხალხურ სიმღერასა და გალობას წლების მანძილზე გვერდში დაუდგება

ანზორ ერქომაიშვილის ყველაზე დიდი გამარჯვებაა, რომ დატოვა ძალიან ბევრი ადამიანი, ვინც ქართულ, ტრადიციულ კულტურას და კერძოდ, ხალხურ სიმღერასა და გალობას წლების მანძილზე გვერდში დაუდგება და მოემსახურება, - ამის შესახებ საქართველოს ფოლკლორის სახელმწიფო ცენტრის დირექტორმა გიორგი დონაძემ, ფოლკლორის სახელმწიფო ცენტრის ოზურგეთის წარმომადგენლობის შენობასთან ანზორ ერქომაიშვილის მემორიალური დაფის გახსნის ღონისძიებაზე განაცხადა.

დონაძემ საქართველოს პრემიერ-მინისტრს მხარდაჭერისთვის მადლობა გადაუხადა და აღნიშნა, რომ ინიციატივა სწორედ პრემიერს ეკუთვნის.

„დიდი მადლობა ასეთი დაფასებისთვის, რომ ანზორ ერქომაიშვილის სახელი მიენიჭა ფოლკლორის სახელმწიფო ცენტრს; მადლობა ბატონო პრემიერ-მინისტრო, თქვენი მხარდაჭერით მოხდა ამ ყველაფრის ინიცირება. დიდი მადლობა ყველას, ქალბატონ თეას, რომელიც ყოველთვის გვერდში გვიდგას, განსაკუთრებით ქართულ, ტრადიციულ კულტურას. ბატონ ანზორს მინდა დიდი მადლობა გადავუხადო, იმიტომ, რომ დღეს ქალბატონმა ლალიმ თქვა, რომ მე ერთ-ერთი გამგრძელებელი ვარ. ქალბატონ თეას ვეთანხმები და უამრავი გამგრძელებელი ჰყავს ამ საქმეს. ეს არის მისი ყველაზე დიდი გამარჯვება, რომ დატოვა ძალიან ბევრი ადამიანი, ვინც ქართულ, ტრადიციულ კულტურას და კერძოდ, ხალხურ სიმღერასა და გალობას წლების მანძილზე გვერდში დაუდგება და მოემსახურება. დიდი მადლობა მობრძანებისთვის და ასეთი დაფასებისთვის, რომ ბატონი ანზორის სახელი მიენიჭა ფოლკლორის სახელმწიფო ცენტრს. ეს ჩვენთვის დიდი პატივი და დიდი პასუხისმგებლობაა", - აღნიშნა გიორგი დონაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს