პალესტინის პოზიციით, აშშ-ის ადმინისტრაციის დუმილი ისრაელს ღაზას სექტორში, იერუსალიმსა და მდინარე იორდანეს დასავლეთ სანაპიროს დასახლებებში ომის დანაშაულში ხელს უწყობს. ამის შესახებ პალესტინის პრეზიდენტის პრესსპიკერმა, ნაბილ აბუ რუდეინაჰმა განაცხადა.
„ისრაელის ქმედებებზე აშშ-ის ადმინისტრაციის დუმილმა და ამ ვითარების თავდაცვად შერაცხვამ ღაზაში, დასავლეთ სანაპიროებსა და იერუსალიმში სიტუაცია ხოცვა-ჟლეტამდე მიიყვანა“, - განაცხადა ნაბილ აბუ რუდეინაჰმა.
მან აშშ-ის ადმინისტრაციას მოუწოდა აქტიურად ჩაერიოს და „შეაჩეროს ისრაელის ულმობელი შეტევა“, თუკი დაინტერესებულია რეგიონალური და საერთაშორისო მშვიდობითა და უსაფრთხოებით. მისივე თქმით, პალესტინელი ხალხი არასდროს მიატოვებს საკუთარ მიწას, იერუსალიმსა და წმინდა ადგილებს.