იაგო ხვიჩია - პარლამენტის თავმჯდომარის გაცნობა მაინტერესებდა, ვფიქრობ, საინტერესო და სასიამოვნო გაცნობითი შეხვედრა გვქონდა

პარლამენტის თავმჯდომარის გაცნობა მაინტერესებდა, რაღაც საკითხებზე მაინტერესებდა მისი მოსაზრება. მე ვფიქრობ, რომ საინტერესო და სასიამოვნო გაცნობითი შეხვედრა გვქონდა,- ამის შესახებ „გირჩის“ ერთ-ერთმა ლიდერმა იაგო ხვიჩიამ კითხვის საპასუხოდ განაცხადა, თუ რა მიზანს ემსახურებოდა „გირჩის“ შეხვედრა პარლამენტის სპიკერთან.

მისი თქმით, ერთ-ერთი საკითხი პატიმრების მდგომარეობის გაცნობის მიზნით საპატიმროში დეპუტატების ვიზიტების პროცედურას, მეორე კი პარტიების დაფინანსებას ეხებოდა.

„მე მაინტერესებდა რამდენიმე საკითხთან დაკავშირებით, ზოგადად განწყობა რა იყო პარლამენტის თავმჯდომარის, მაგალითად, თქვენ იცით, რომ მე მაღელვებს, ზოგადად, პატიმრების ბედი და გვჭირდებოდა პარლამენტის თავმჯდომარისგან ნებართვა, რომ სასჯელაღსრულების დაწესებულებაში შევიდე ხოლმე. ამის წესების და პირობების გარკვევა მაინტერესებდა და მეორე, არსებობს რამდენიმე კანონპროექტი, სადაც მე მაქვს რაღაცნაირი ინტერესი და მაინტერესებდა ამ თემასთან დაკავშირებით პარლამენტის თავმჯდომარის აზრი, მაგალითად, ერთ-ერთი არის კანონპროექტი, რომელიც შეეხება პოლიტიკური პარტიების დაფინანსებას და პოლიტიკური ლობიზმის განხორციელებას, რომელიც მიგვაჩნია, რომ პოლიტიკური ცხოვრების განვითარებისთვის არის მნიშვნელვანი,“- განაცხადა ხვიჩიამ.

რაც შეეხება „საარჩევნო კოდექსში“ შესატან ცვლილებებს, იაგო ხვიჩიას განცხადებით, ამ წუთას არ ჩანს საკითხი, რომელმაც შეიძლება ისეთი გაუგებრობა გამოიწვიოს, რომ კონსენსუსის მიღწევას ხელი შეუშალოს.

„რაც შეეხება „საარჩევნო კოდექსს“, იმედი მაქვს, რომ კონენსუსის რესურსი არსებობს. ყოველ შემთხვევაში, ამ წუთას ვერ ვხედავ ისეთ საკითხს, რომელმაც შეიძლება იმხელა გაუგებრობა გამოიწვიოს, რომ კონსენსუსი ვერ შედგეს, თუმცა ეს იმას არ ნიშნავს, რომ ამ წუთას არსებობს შეთანხმება და ყველა მუხლი ყველა მონაწილისთვის მისაღებია, ასე არ არის, თუმცა არსებობს შეთანხმების რესურსი,“- განაცხადა ხვიჩიამ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია