ალუდა ღუდუშაური - დე-იურე მმართველი მელია ეახლა ფარაონს, კრიმინალ სააკაშვილს - დამაკნინებელია, რომ ჩვენი ქვეყნის პოლიტიკური პარტიის ხელმძღვანელობა უცხო ქვეყნის მოქალაქესთან დირექტივების მოსასმენად ჩადის

„ნაციონალური მოძრაობის“ დე-იურე მმართველი - მელია ეახლა ბატონს, მათ ფარაონს, კრიმინალ სააკაშვილს - დამაკნინებელია, რომ ჩვენი ქვეყნის პოლიტიკური პარტიის ხელმძღვანელობა უცხო ქვეყნის მოქალაქესთან დირექტივების მოსასმენად ჩადის,- ასე ეხმიანება საპარლამენტო უმრავლესობის წევრი ალუდა ღუდიშაური „ნაციონალური მოძრაობის’ თავმჯდომარის, ნიკა მელიას და პარტიის სხვა წევრების გამგზავრებას უკრაინაში.

ღუდუშაურის თქმით, პარლამენტში შესვლის საკითხზე „ნაციონალური მოძრაობა“ ისე მოიქცევა, როგორც მას სააკაშვილი უბრძანებს.

„მოგვწონს თუ არ მოგვწონს პარტია, რომელსაც „ნაციონალური მოძრაობა“ ჰქვია, ეს არის ამ ქვეყნის პოლიტიკური ძალა და ჩვენი ქვეყნის მოქალაქეები ბრძანდებიან ეს ბატონები და ქალბატონები. თუმცა, ამის მიუხედავად, ვხედავთ, რომ პრაქტიკულად მონურ რეჟიმში, ერთი ნაწილი, რომელმაც თვითონ მოისურვა, რომ მონურ რეჟიმში ყოფილიყო, ვგულისხმობ, „ნაციონალური მოძრაობის“ დე-იურე მმართველს, ბატონს მელიას, ეახლა ბატონს, მათ ფარაონს მიხეილ სააკაშვილს, რომელიც არის კრიმინალი და უცხო ქვეყნის მოქალაქე და როგორი დასანახი და დამაკნინებელია, რომ ჩვენი ქვეყნის პოლიტიკური პარტიის ხელმძღვანელობა ჩადის უცხო ქვეყნის მოქალაქესთან, დირექტივების მოსასმენად. რასაც უბრძანებს სააკაშვილი, „ნაციონალური მოძრაობა“ მოიქცევა ისე, ყოველგვარი ფარსია იმაზე საუბარი, თითქოს ვინმეს (ამომარჩეველს) უნდა დაეკითხონ და ამის მერე მიიღონ გადაწყვეტილება, არავის უნდა დაეკითხონ გარდა ერთი ადამიანისა, რომელიც არის უცხო ქვეყნის მოქალაქე, რამდენიმე განაჩენდამდგარი, კრიმინალი სააკაშვილი. „ნაციონალური მოძრაობა“ უნდა იყოს თუ არა პარლამენტში, ამაზე პასუხი გასცა ჩვენმა საზოგადოებამ, 2020 წლის არჩევნებზე, თუმცა, მიუხედავად ჩვენი ქვეყნის საზოგადოების დავალებისა, რომელიც გამოიხატა მათთვის ხმის მიცემით და მანდატების გადაცემით, ამაზე ამბობენ უარს და ექვემდებარებიან ერთი ადამიანის - სააკაშვილის დიქტატს,“ - განაცხადა ღუდუშაურმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია