ნებისმიერი შემსუბუქება და აქტივობა, რომელიც დამატებით ტურიზმის ზრდასთან არის დაკავშირებული, ბუნებრივია, პოზიტიურად აისახება ლარის კურსზე,- ამის შესახებ ფინანსთა მინისტრმა ლაშა ხუციშვილმა განაცხადა.

მინისტრის თქმით, ეკონომიკის აღდგენის ტემპი მოლოდინზე უკეთესია.

„თუ გავითვალისწინებთ ბოლო პერიოდში ეკონომიკური აღდგენის ტემპს, რომელიც შეგვიძლია ვთქვათ, რომ არის იმაზე უკეთესი, ვიდრე მილოდინები იყო წლის დასაწყისში, ასევე იმ ვითარებას, რაც ტურიზმის გახსნის პერსპექტივასთან გვაქვს, რა თქმა უნდა, ლართან მიმართებაში ეს მოლოდინები აისახება დადებითად“, - განაცხადა ლაშა ხუციშვილმა.