საგამოძიებო სამსახურის უფროსი თანამშრომლებთან ერთად covid -19- ის საწინააღმდეგო ვაქცინით აიცრა
ფინანსთა სამინისტროს საგამოძიებო სამსახურის უფროსი სოსო რამიშვილი, აკადემიკოს ნიკოლოზ ყიფშიძის სახელობის ცენტრალურ საუნივერსიტეტო კლინიკაში თანამშრომლებთან ერთად COVID-19-ის საწინააღმდეგო ვაქცინით აიცრა. ამის შესახებ ინფორმაციას ფინანსთა სამინისტროს საგამოძიებო სამსახური ავრცელებს.
მათი განმარტებით, უწყებისთვის განსაკუთრებით მნიშვნელოვანია, თანამშრომელთა ჯანმრთელობის მაქსიმალური დაცულობის უზრუნველყოფა და საგამოძიებო სამსახურის პირადი შემადგენლობა ვაქცინაციას საქართველოს სხვადასხვა პუნქტებშიც გაივლიან.
