სალომე სამადაშვილი საარჩევნო რეფორმაზე - ბევრ რამეზე შევთანხმდით, მაგრამ არის კონკრეტული საკითხები, სადაც აზრთა სხვადასხვაობა გვაქვს - ხვალ ჩვენს ხედვას საერთაშორისო პარტნიორებს მივაწვდით

პოლიტიკოს სალომე სამადაშვილის განცხადებით, მმართველ გუნდთან საარჩევნო რეფორმის თაობაზე უმეტესწილად კონსენსუსი მიღწეულია, თუმცა არის განსხვავებული პოზიციებიც.

როგორც მან ჟურნალისტებთან აღნიშნა, ხვალ ოპოზიცია მიაწვდის საკუთარ ხედვებს საერთაშორისო პარტნიორებს და ამის შემდეგ დაიწყება უკვე კონსულტაციები, როგორც ვენეციის კომისიასთან, ასევე სხვა საერთაშორისო პარტნიორებთან.

„საკითხების უდიდეს ნაწილზე მივაღწიეთ შეთანხმებას, თუმცა რჩება კონკრეტული საკითხები, სადაც გავუცვალეთ ერთმანეთს ჩვენი შეხედულებები და ვნახოთ, საბოლოოდ როგორ ჩამოყალიბდება პოზიცია. ეს ნიშნავს იმას, რომ ჩვენ უკვე ხვალ დილით მივაწვდით ჩვენს ხედვას ჩვენ საერთაშორისო პარტნიორებს, როგორ ვაფასებთ დღეს არსებულ ვითარებას, რამდენად ვხედავთ შანსს, რომ კონსენსუსის გზით იყოს მიღებული შესაბამისი ცვლილებები და ამის შემდეგ დაიწყება უკვე კონსულტაციები როგორც ვენეციის კომისიასთან, ასევე სხვა საერთაშორისო პარტნიორებთან. კარგია, რომ ბევრ რამეზე შევთანხმდით, მაგრამ არის კონკრეტული საკითხები, სადაც აზრთა სხვადასხვაობა გვაქვს“, - განაცხადა სამადაშვილმა.

მისი თქმით, ხელისუფლებასა და ოპოზიციას შორის განსხვავებული პოზიციებია, მათ შორის იმ საკითხზე, თუ რას გულისხმობს მედიატორ შარლ მიშელის დოკუმენტი, როდესაც საუბარია საარჩევნო ადმინისტრაციის სრულ განახლებაზე.

„საკითხები, რომელზეც ჯერ საერთო ხედვამდე ვერ მივედით, ზოგიერთი მათგანი ვფიქრობ, შესაძლებელია შეთანხმდეს კანონპროექტის განხილვის პროცესში, მეორე მოსმენისას. რაც შეეხება ერთ-ერთ მნიშვნელოვან საკითხს, ამ ეტაპზე შემიძლია გითხრათ, რომ განსხვავებული ხედვები გვაქვს მათ შორის ის საკითხზე, თუ რას გულისხმობს შარლ მიშელის დოკუმენტი, როდესაც საუბარია საარჩევნო ადმინისტრაციის სრულ განახლებაზე. ჩვენ ბევრ რამეზე ვთანხმდებით ამ საკითხთან დაკავშირებით, მაგრამ არსებობს კონკრეტული საკითხები, სადაც ჯერჯერობით განსხვავებული ხედვები გვაქვს“, - განაცხადა სამადაშვილმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა