ქალი, რომელიც პეკინზე მდებარე საერთო საცხოვრებლის მე-5 სართულიდან გადმოვარდა, საავადმყოფოში გარდაიცვალა

ქალი, რომელიც პეკინზე მდებარე საერთო საცხოვრებლის მე-5 სართულიდან გადმოვარდა, საავადმყოფოში გარდაიცვალა. ამის შესახებ ინფორმაცია „ინტერპრესნიუსს“ ხეჩინაშვილის სახელობის კლინიკაში დაუდასტურეს.

როგორც ხეჩინაშვილის სახელობის კლინიკის კლინიკურმა მენეჯერმა, რეანიმაცია - ანესთეზიის დეპარტამენტის ხელმძღვანელმა ნიკოლოზ კვაჭაძემ განაცხადა, ქალს სიცოცხლისთვის შეუსაბამო დაზიანებები აღენიშნებოდა.

ცნობისთვის, შემთხვევა დღეს დილით მოხდა. კორპუსის ერთ-ერთი მცხოვრებლის ინფორმაციით, ახალგაზრდა ქალი მე-5 სართულიდან ცეცხლის გაჩენის შემდეგ გადავარდა.

აღსანიშნავია, რომ ცეცხლი კორპუსის იმ ნაწილში არ იყო გავრცელებული, სადაც აღნიშნული ქალი იმყოფებოდა. უშუალოდ ხანძრის შედეგად ადგილზე არავინ დაშავებულა.

გამოძიება დაადგენს, ახალგაზრდა ქალი სიმაღლიდან გადახტა, თუ შემთხვევით გადავარდა.

რაც შეეხება ხანძრის გამომწვევ მიზეზს, ადგილობრივების ვარაუდით, შემთხვევა სავარაუდოდ, მოკლე ჩართვამ გამოიწვია.

ამ დროისთვის ხანძარი ლიკვიდირებულია.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა