გოგი წულაიამ კვლავ შიმშილობა დაიწყო, ის უარს ამბობს მედიკამენტების მიღებაზეც

სექსუალური ხასიათის სხვაგვარ ძალადობაში ბრალდებული პოლიტიკოსი გოგი წულაია მეორე დღეა, რაც პროტესტის ნიშნად ციხის საავადმყოფოში შიმშილობს, ის უარს ამბობს მედიკამენტების მიღებაზეც.

როგორც „ინტერპრესნიუსს“ წულაიას ადვოკატმა, ვალერი გელბახიანმა განუცხადა, გოგი წულაიას თავი კვლავ, პოლიტიკურ დევნილად მიაჩნია.

„გუშინ დაიწყო შიმშილობა, უარი თქვა მედიკამენტების მიღებაზე, ეს იქიდან გამომდინარეობს, რომ სასამართლომ პატიმრობის ვადა გაუგრძელა, პატიმრობაზე ვადის გაგრძელების საფუძველი არ არსებობდა. მითითებული იყო, თითქოს დაზარალებულზე მოახდენს ზეწოლასო, მას მიაჩნია, რომ არ იყო სამართლებრივი საფუძველი, კვლავ პოლიტიკურ დევნილად მიიჩნევს თავი, აქედან გამომდინარე აცხადებს პროტესტს“, - აღნიშნავს გელბახიანი.

მისივე თქმით, გოგი წულაია საქმის პროკურორის და მოსამართლის აცილებას ითხოვდა, რაზეც უარი უთხრეს.

ცნობისთვის, გოგი წულაიას ბრალი სისხლის სამართლის კოდექსის 138-ე მუხლით აქვს წარდგენილი, რაც სექსუალური ხასიათის სხვაგვარ ძალადობას გულისხმობს. სამართალდამცავებმა წულაია 19 მარტს დააკავეს. თავდაპირველად, გამოძიება სისხლის სამართლის კოდექსის 126-ე მუხლით მიმდინარეობდა, რაც ძალადობას გულისხმობს. გამოძიების ინფორმაციით, წულაიამ ნაქირავებ ბინაში ნაცნობ ქალზე იძალადა.

იხილეთ ვიდეო:გოგი წულაიამ შიმშილობა გამოაცხადა და მედიკამენტების მიღებაზე უარს ამბობს

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს