არაბთა გაერთიანებული საამიროებისა და სრულიად საქართველოს მუსლიმთა სამმართველოს ერთობლივი ორგანიზებით საქველმოქმედო ღონისძიება გაიმართა

მიმდინარე წლის 6 მაისს, არაბთა გაერთიანებული საამიროების საელჩომ საქართველოში, საამიროების წითელი ნახევარმთვარის ორგანიზაციასთან თანამშრომლობით, რამადანი 2021-ის საქველმოქმედო ღონისძიება გამართა, რომლის ფარგლებში სრულიად საქართველოს მუსლიმთა სამმართველოს 160 სასურსათო ყუთი გადაეცა მათი თემის წარმომადგენელთათვის დასარიგებლად. აღნიშნული ინიციატივა არაბთა გაერთიანებული საამიროების ბრძენი მეთაურების დირექტივებზე დაფუძნებული საქველმოქმედო საქმიანობის ფარგლებში განხორციელდა.

საქველმოქმედო აქციას, რომელიც თბილისში, მუსლიმთა სამმართველოს სათაო ოფისში გაიმართა, აღმოსავლეთ საქართველოს მუფთი, ეტიბარ ემინოვი, შეიხი რამინ იგიდოვი და არაბთა გაერთიანებული საამიროების ელჩის მოვალეობის შემსრულებელი, ქალბატონი მუნირა ალმარზუქი ესწრებოდნენ.

მუსლიმთა სამმართველოს სასულიერო ლიდერებმა არაბთა გაერთიანებული საამიროების ელჩის მოვალეობის შემსრულებელს გაწეული მხარდაჭერისათვის მადლობა გადაუხადეს და მომავალ საქმიანობაში წარმატებები უსურვეს.

თავის მხრივ, ქალბატონმა ალმარზუქიმ მადლობა გადაუხადა სრულიად საქართველოს მუსლიმთა სამმართველოს, რომ საელჩოს მისცა შესაძლებლობა და გაუწია შუამდგომლობა, დახმარებოდა საჭიროების მქონე მუსლიმ ოჯახებს კურთხეული რამადანის თვის განმავლობაში და გამოხატა მზადყოფნა, მომავალშიც გაგრძელდეს მსგავსი ტიპის ურთიერთთანამშრომლობა.

გარდა ამისა, ელჩის მოვალეობის შემსრულებელმა ხაზი გაუსვა არაბთა გაერთიანებული საამიროების მუდმივ ძალისხმევას, მხარი დაუჭიროს მეგობარ ქვეყნებს და ყურადღება გაამახვილა ჰუმანიტარული დახმარების მნიშვნელობაზე სახელმწიფოსთვის, რომელმაც არაერთხელ გამოხატა მხარდაჭერა საჭიროების მქონე ადამიანების მიმართ, განურჩევლად მათი ეთნიკური, რელიგიური თუ გეოგრაფიული მიკუთვნებულობისა. ასევე აღნიშნა, რომ საამიროების წითელი ნახევარმთვარის ორგანიზაცია, რომელიც წითელი ჯვრისა და წითელი ნახევარმთვარის საერთაშორისო ფედერაციის წევრია, 1983 წლიდან არაბთა გაერთიანებული საამიროების ჰუმანიტარული საქმიანობის მხრივ წამყვან ორგანოდ იქცა.

არაბთა გაერთიანებული საამიროების საელჩო საქართველოში

(R)

ამირან სალუქვაძე - პოლიტიკური კულტურის ამაღლების გარეშე დავდგებით კოალიციების საჭიროების წინაშე, რაც ქვეყანას პერმანენტულ ქაოსურ პროცესებში გადაიყვანს
ქართული პრესის მიმოხილვა 25.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
საპენსიო სააგენტოს დირექტორის მოადგილე ანა კეკელიძე - საპენსიო სააგენტოს ამოცანას წარმოადგენს საერთაშორისო სტანდარტების შესაბამისი მომსახურების დანერგვა
"ლიბერთი ბანკი" სპეციალურ განცხადებას ავრცელებს
აჭარის ავტონომიური რესპუბლიკის ფინანსთა და ეკონომიკის მინისტრი და "ტოიოტა კავკასიის" პრეზიდენტი "ტოიოტა ცენტრ ბათუმს" ესტუმრნენ
Hotsale.ge-ის აქცია - დამატებით 20%-მდე დანაზოგი ტექნიკასა და სასტუმროებზე „კრედო  ბანკის“ განვადებით სარგებლობისას
ქობულეთში შატოს ტიპის ახალი კომპლექსი „შატო კვირიკე“ გაიხსნა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება