ევროკავშიროს ელჩი საქართველოში კარლ ჰარცელი აჭარის უმაღლესი საბჭოს თავმჯდომარე დავით გაბაიძესთან შეხვედრას მართავს. შეხვედრა აჭარის უმაღლეს საბჭოში მიმდინარეობს.

როგორც ევროკავშირის წარმომადგენლობის მიერ გავრცელებულ განცხადებაში არის ნათქვამი, უმაღლესმა საბჭომ, ევროკავშირის და გაეროს განვითარების პროგრამის ფინანსური მხარდაჭერით შეძლეს განვითარების მრავალწლიანი სტრატეგიისა და სამოქმედო გეგმის შემუშავება, აგრეთვე თანამედროვე, ღია მმართველობის პრინციპების დამკვიდრება.

მათივე ცნობით, აჭარაში ვიზიტის ფარგლებში დაგეგმილია ელჩის შეხვედრები ეკონომიკის, სოფლის განვითარების, ბიზნესის, მეწარმეობის მხარდაჭერის, გარემოს დაცვისა და სხვა სფეროებში ევროკავშირის მიერ დაფინანსებული პროექტების ბენეფიციარებთან. ელჩი ჰარცელი ასევე შეხვდება აჭარის მთავრობის, არასამთავრობო ორგანიზაციების და მედიის წარმომადგენლებს.