„საქპატენტი“ და იუსტიციის უმაღლესი სკოლა ერთობლივ პროექტებს განახორციელებენ

„საქპატენტი“ და იუსტიციის უმაღლესი სკოლა ერთობლივ პროექტებს განახორციელებენ. ამის შესახებ ინფორმაციას იუსტიციის უმაღლესი სკოლა ავრცელებს.

მათივე ცნობით, ინტელექტუალური საკუთრების დარგის მიმართულებით სასამართლო სისტემის გაძლიერებაზე „საქპატენტის“ თავმჯდომარე მინდია დავითაძემ და იუსტიციის უმაღლესი სკოლის დირექტორმა ვანო ბოლქვაძემ გაცნობითი ხასიათის შეხვედრა ჰქონდათ, რომელიც „მართლმსაჯულების სახლში“ გაიმართა.

„ქვეყანაში ინტელექტუალური საკუთრების სისტემის გაძლიერებისთვის მნიშვნელოვანია დარგის პროფესიონალთა, მათ შორის მოსამართლეთა ინსტიტუტის გაძლიერება, ვინაიდან სასამართლო სისტემა ის მნიშვნელოვანი ქვაკუთხედია, რომელიც ხელს უწყობს დარგის წარმატებულ ინტეგრირებას გლობალურ სისტემაში“ , - განაცხადა „საქპატენტის“ თავმჯდომარე მინდია დავითაძემ.

მათივე ცნობით, თანამშრომლობის ფარგლებში, მოქმედ მოსამართლეთა პროფესიული ზრდის უზრუნველსაყოფად, მნიშვნელოვანია საგანმანათლებლო ღონისძიებების სისტემურად დანერგვა, სადაც გათვალისწინებული იქნება ინტელექტუალურ საკუთრებასთან დაკავშირებული სასწავლო პროგრამებისა და ტრენინგ - კურსების შემუშავება.

ამასთან, შეხვედრაზე ვანო ბოლქვაძემ აღნიშნა, რომ მხარს დაუჭერს „საქპატენტის“ ინიციატივას და დაეხმარება უწყებას მნიშვნელოვანი სასწავლო პროექტების განხორციელებაში. ამ ფაქტორების გათვალისწინებით, საქპატენტი აქტიურად ჩაერთვება მოსამართლეების კვალიფიკაციის ამაღლების პროცესში და სასწავლო ცენტრის პროგრამების ფარგლებში მათთვის განახორციელებს საჭიროებებზე მორგებულ სასწავლო აქტივობებს.

„ყურადღება გამახვილდა, WIPO-ს აკადემიის პროგრამაზე - „მოსამართლეების ტრენინგი ინტელექტუალური საკუთრების სამართალში“. WIPO-სთან მჭიდრო თანამშრომლობის ფარგლებში საქპატენტი, იუსტიციის უმაღლესი სკოლის ჩართულობით, გეგმავს აღნიშნული კურსის ქართულ ენაზე დანერგვას.

აღსანიშნავია, რომ ინტელექტუალური საკუთრების სფეროში „საქპატენტისა“ და იუსტიციის უმაღლესი სკოლის თანამშრომლობის ახალ ეტაპზე გადასვლა, ერთიანი პროექტების განხორციელება და ამ პროექტებში მოსამართლეების ჩართულობა, მნიშვნელოვნად გაზრდის მოსამართლეთა ცნობიერებას, გააღრმავებს ცოდნას ინტელექტუალური საკუთრების კუთხით და ხელს შეუწყობს ქვეყანაში ინტელექტუალური საკუთრების უფლებების ეფექტიან აღსრულებას“, - აღნიშნულია ინფორმაციაში.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 17.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის