ლევან ბეჟაშვილი - "ოცნება" იგნორირებას უკეთებს მთავარ ოპოზიციურ პარტიას და სხვა არასაპარლამენტო პარტიებს და მათი ჩართულობის გარეშე ხდება „საარჩევნო კოდექსზე“ მუშაობა

"ნაციონალური მოძრაობის" წევრის ლევან ბეჟაშვილის განცხადებით, საარჩევნო ცვლილებებთან დაკავშირებით არსებული პროექტი არ შეესაბამება იმ სტანდარტებს, რომელსაც საარჩევნო რეფორმა ჰქვია.

„ვხედავთ, რომ "ქართული ოცნება" აბსოლუტურად იგნორირებას უკეთებს მთავარ ოპოზიციურ პარტიას, ასევე სხვა ოპოზიციურ არასაპარლამენტო პარტიებს და მათი ჩართულობის გარეშე ხდება „საარჩევნო კოდექსზე“ მუშაობა. ჩანს, რომ თითქოს მხოლოდ ის არის მთავარი საკითხი ცესკო-ს თავმჯდომარეს ეყოლება თუ არა ოპოზიციიდან მოადგილე. გაყალბების არანაირი პრევენციის მექანიზმები არ არის ჩადებული იმ პროექტში, რომელიც ვენეციის კომისიაშია წარდგენილი. პრაქტიკულად, იგივე სისტემა ნარჩუნდება, მათ შორის ცესკო-ს არსებული შემადგენლობა, რომელმაც ერთხელ გააყალბა არჩევნები. ჩვენ, ბუნებრივია, სხვა ოპოზიციურ პარტიებთან ერთად ჩამოვაყალიბებთ ჩვენს წინადადებებს, გავუგზავნით მათ შორის ვენეციის კომისიას და დავდებთ ჩვენს ალტერნატიულ პროექტს, რადგან ეს პროექტი არ ასახავს იმ რეალობას, რომელსაც საარჩევნო რეფორმა ჰქვია. მთავარია სამაგიდო სიები, ამომრჩეველთა სიები, არჩევნების დღეს გაწერილი პროცედურები, კერძოდ, ის, რომ უმრავლესობას არ ჰქონდეს ოპოზიციური კომისიის წევრების გაძევების უფლება და მთელი რიგი საკითხებია, ტექნიკური დეტალები, რომელიც კანონპროეტში გაიწერება და ვენეციის კომსიას წარედგინება", - აცხადებს ბეჟაშვილი.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს