"გირჩი- მეტი თავისუფლებისთვის" წევრები კორონავირუსის გამო დაწესებულ შეზღუდვებს აპროტესტებენ. აღნიშნული მოთხოვნით, ისინი ეროვნული სტადიონთან შეიკრიბნენ. როგორც "გირჩი მეტი თავისუფლებისთვის" ლიდერი, ზურაბ ჯაფარიძე აღნიშნავს, უნდა მოიხსნას "კომენდანტის საათი", ამასთან, ქუჩაში პირბადის ტარება სავალდებულო არ იყოს.
"ჩვენი მოთხოვნაა იმ შეზღუდვების გაუქმება, რომელიც დაკავშირებულია კორონავირუსთან და ჩამოშალა მთელი ქვეყანა, უამრავი ადამიანი დატოვა შემოსავლის გარეშე, ან მკვეთრად შეუმცირა. ყველა ეს შეზღუდვა მოსახსნელია, დაწყებული "კომენდანტის საათიდან" - ქუჩაში პირბადის ტარებით დამთავრებული. ყველა შეზღუდვა მოსახსნელია, ამას ვითხოვთ. აქ იწყება აქცია, მსვლელობა გვექნება „დედაენის ბაღისკენ“- აღნიშნავს ჯაფარიძე და დასძენს, რომ ერთ-ერთ მოთხოვნა დაწესებული შეზღუდვების გამო გამოწერილი ჯარიმების გაუქმებაა.