"გირჩი-მეტი თავისუფლებისთვის" წევრები და მხარდამჭერები კორონავირუსის გამო დაწესებული შეზღუდვების გაუქმების მოთხოვნით მსვლელობით „დედაენის ბაღში“ მივიდნენ.

აქციის მონაწილეები ეროვნულ სტადიონთან შეიკრიბნენ და მსვლელობით „დედაენის ბაღისკენ“ გაემართნენ. მათ ჰქონდათ პლაკატები წარწერით -" აქ კონკია არავინ არ არის", "გაუქმდეს კომენდანტი, მოიხსნას შეზღუდვები, გაიხსნას საზღვრები".

როგორც "გირჩი-მეტი თავისუფლებისთვის" ლიდერი ზურაბ ჯაფარიძე აღნიშნავს, უნდა მოიხსნას "კომენდანტის საათი", ამასთან, ქუჩაში პირბადის ტარება სავალდებულო არ უნდა იყოს. მისივე თქმით, აქციის მონაწილეები ასევე ითხოვენ გაუქმდეს ყველა ის ჯარიმა, რომელიც კორონავირუსის გამო დაწესებული შეზღუდვების ფარგლებშია გამოწერილი.