კახა კუჭავა იმედს გამოთქვამს, რომ მხარეები შეთანხმებას შეძლებენ და საბოლოოდ ამნისტიის შესახებ საერთო კანონპროექტზე შეჯერდებიან

საქართველოს პარლამენტის თავმჯდომარე კახა კუჭავა იმედს გამოთქვამს, რომ მხარეები შეთანხმებას შეძლებენ და საბოლოოდ ამნისტიის შესახებ საერთო კანონპროექტზე შეჯერდებიან. როგორც კუჭავამ ჟურნალისტებთან საუბარში აღნიშნა, ის არ არის ამ პროცესში ჩართული, თუმცა თუ საჭირო გახდება ისიც მიიღებს მონაწილეობას განხილვებში.

კუჭავას თქმით, უნდა განისაზღვროს, რა არის დარეგისტრირებულ კანონპროექტებს შორის რეალური განსხვავება და შემდეგ ამაზე მოხდეს მხარეებს შორის კომპრომისის მიღწევა.

„ძალიან დიდი სურვილი მექნება, რომ ერთი რეფორმა იყოს. ჩვენ უკვე ვნახეთ ძალიან კარგი პრეცედენტი, როდესაც საარჩევნო რეფორმასთან დაკავშირებით მოხდა შეჯერება პოზიციების. მართლა დიდი სურვილი მაქვს, რომ საბოლოოდ მოხდეს შეჯერება ერთ პროექტზე, ერთ ამნისტიის კანონზე. თუ როგორ წარიმართება პროცესი ყველა ერთად ვნახავთ. ჯერჯერობით განხილვის მონაწილე მე არ ვარ, თუ საჭირო გახდება, რომ მეც ჩავერთო, რათა ეს ორი კანონპროექტი ერთ საბოლოო ვერსიად შევაჯეროდ და ვნახოთ, რა არის რეალური განსხვავება და მხოლოდ შემდეგ ამ განსხვავებაზე შევეცადოთ კომპრომისები ვიპოვოთ, მეც ჩავებმები. ჯერჯერობით მხარეები ახერხებენ ერთმანეთთან კომუნიკაციას, არის შეხვედრები და ეს კიდევ უფრო ინტენსიური გახდება, რაც საკომიტეტო მოსმენები დაიწყება, ამიტომ დაველოდოთ პროცესს,“- განაცხადა კახა კუჭავამ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე