ანა ნაცვლიშვილი უმრავლესობას - პარლამენტში ყოფნისას ერთი სამწუხარო ტენდენცია აღმოვაჩინე - ძალიან იქედნურად გეღიმებათ ხოლმე, როცა ქალები ვსაუბრობთ

მას შემდეგ, რაც პარლამენტში ვარ, ერთი სამწუხარო ტენდენცია აღმოვაჩინე - რატომღაც ძალიან იქედნურად გეღიმებათ ხოლმე, როცა ქალები ვსაუბრობთ, - ასე მიმართა ფრაქცია „ლელო - პარტნიორობა საქართველოს“ წევრმა ანა ნაცვლიშვილმა ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე, კომიტეტის თავმჯდომარე მიხეილ სარჯველაძეს და კომიტეტის წევრებს.

როგორც ანა ნაცვლიშვილმა აღნიშნა, ის ამ ფაქტის შესახებ ეთიკის საბჭოს მიმართავს.

„აუცილებლად გადავცემ ეთიკის საბჭოს. როგორც სხდომის თავმჯდომარეს მოგმართავთ - რატომღაც ძალიან იქედნურად გეღიმებათ ხოლმე, როცა ქალები ვსაუბრობთ. ანა ბუჩუკურზე შევამჩნიე და მივხვდი, რომ მარტო ჩემზე არ გეღიმებათ. ძალიან უხერხულია“, - აღნიშნა ანა ნაცვლიშვილმა.

დეპუტატის რეპლიკას თავად კომიტეტის თავმჯდომარე მიხეილ სარჯველაძემ უპასუხა და აღნიშნა, რომ „ის მწარედ ცდება“.

„მიუხედავად იმისა, რომ არაფერს თქვენს ნათქვამში არ ვეთანხმები, მგონი, ძალიან მწარედ ცდებით. ეს არ არის სწორი. არასდროს მსგავსი რამ არ გამიკეთებია. თავის სამართლებლად არ გეუბნებით, უბრალოდ, მაგალითად, ყველაზე მეტად ღიმილი შეიძლება დამთამაშებდა როცა ბატონი შალვას {შავგულიძე} კომენტარებს ვისმენდი. რა გავაკეთოთ ახლა, გავზომოთ რამდენ ხანს ვიღიმოდი, რომელ გამომსვლელზე?! ეს იყო კომიკური განცხადება. ამას სხვას ვერაფერს დავარქმევდი. გთხოვთ, ასეთი რაღაცებისგან თავი შევიკავოთ, ვიდრე ბრალდებას იტყვით ხოლმე შორს მიმავალს“, - განაცხადა სარჯველაძემ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე