ამირან გამყრელიძის განცხადებით, ქვეყანა ივნისის შუა რიცხვებიდან 43 ათას დოზა „ასტრაზენეკას“ მიიღებს, ივნისის ბოლოსკენ კი ნახევარი მილიონი დოზა „სინოფარმის“ შემოტანის პროცესი დაიწყება

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის ამირან გამყრელიძის განცხადებით, ქვეყანა ივნისის შუა რიცხვებიდან „კოვაქსის“ საშუალებით, 43 ათას დოზა „ასტრაზენეკას“ მიიღებს, ივნისი ბოლოსკენ კი ნახევარ მილიონ დოზა „სინოფარმის“ შემოტანის პროცესი დაიწყება. ამასთანავე, როგორც გამყრელიძემ განმარტა, „კოვაქსის“ პლატფორმიდან მესამე და მეოთხე კვარტალში ქვეყანა 1 400 000-მდე დოზა ვაქცინას მიიღებს.

„ჩვენ ველოდებით, რომ ივნისის შუა რიცხვებში მივიღებთ „ასტრაზენეკას“ შემდგომ პარტიას „კოვაქსის“ საშუყალებით, ეს იქნება 43 ათასი დოზა. იცით, რომ მიღწეულია შეთანხმება ჩინურ მხარესთან ნახევარ მილიონ დოზა „სინოფარმის“ მიღებასთან დაკავშირებით და წინასწარ თარიღებად განსაზღვრულია ივნისის მეორე ნახევარი და ყველაზე გვიან, ივლისის პირველი რიცხვები. ასევე, საერთაშორისო წითელი ჯვარი გვჩუქნის 100 ათას დოზა „სინოფარმს“, თუმცა აქ ჯერ თარიღები ცნობილი არ არის, ეს ზაფხულში განხორციელდება.

მოლაპარაკება მიმდინარეობს მილიონ დოზა „ფაიზერზე“ და უკვე კონტრაქტი ფორმდება, სადაც საუბარია მესამე კვარტალში მილიონ დოზის მიღებაზე. ამის გარდა, 1 400 000 დოზაზე გვაქვს ხელშეკრულება „კოვაქსთან“ გაფორმებული და იქიდან ჯერჯერობით მიღებული გვაქვს 115 ათასი დოზა ვაქცინა და ამას დაემატება 43 ათასი დოზა, ამიტომ მესამე კვარტალში, დიდი ალბათობით, „კოვაქსი“ მოგვაწვდის საკმაო რაოდენობას ვაქცინების,“- განაცხადა გამყრელიძემ.

მისივე ინფორმაციით, „კოვაქსის“ პლატფორმაზე გარდა „სინოფარმისა“, განთავსდება „ჯონსონი და ჯონსონი“ და „ნოვოვაქსი“. გამყრელიძის განცხადებით, მოლაპარაკებები მიმდინარეობს „მოდერნასთან“ და „ნოვოვაქსთან“.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე