პაატა მანჯგალაძე „ნამახვანჰესის“ წინააღმდეგ პროტესტზე - ხელისუფლება ეჭვით არ უნდა საუბრობდეს, უნდა დაადასტუროს, ხომ არ იმართება პროცესი გარე ძალებით

ხელისუფლება ეჭვით არ უნდა საუბრობდეს, უნდა დაადასტუროს ხომ არ იმართება ეს პროცესი გარე ძალებით და ჩვენს ენერგოუსაფრთხოების საკითხებს ხომ არ აზიანებს ვინმე , - ამის შესახებ ჟურნალისტებთან საქართველოს პარლამენტის დეპუტატმა, "სტრატეგია აღმაშენებლის" წევრმა პაატა მანჯგალაძემ ნამახვანჰესის მოწინააღმდეგეთა აქციის კომენტირებისას განაცხადა.

მისი თქმით, თავად მიიჩნევს, რომ აქციის მონაწილეებს ძირითადად გულწრფელი მოტივები ამოძრავებს, თუმცა, შესაძლებელია, გარე ძალები, ცდილობენ ამაზე " ხელის მოთბობას".

მანჯგალაძის განცხადებით, ხელისუფლებამ ჰესის უსაფრთხოებასთან და გაფორმებულ ხელშეკრულებასთან დაკავშირებით აქციის მონაწილეთა კითხვებს უნდა უპასუხოს.

"200 დღეზე მეტია მიმდინარეობს ეს აქციები, ითხოვდნენ კომუნიკაციას და რომ არ იყო ჯეროვანი კომუნიკაცია, ამის შემდეგ იწყებენ ამ ნაბიჯების გადადგმას. ხელისუფლება თუ ამბობს, რომ ეჭვი აქვს, რომ გარკვეული ჯგუფები დგანან ამის უკან, ხელისუფლება ეჭვით არ უნდა საუბრობდეს, უნდა დაადასტუროს ხომ არ იმართება ეს პროცესი გარე ძალებით და ჩვენს ენერგოუსაფრთხოების საკითხებს ხომ არ აზიანებს ვინმე.

თუ სახელმწიფო უწყებები ამაში ხედავენ გარე ხელს და თუ ვამბობთ, რომ ეს მიმართულია ეროვნული უსაფრთხოების წინააღმდეგ, ასე ოპოზიციამ შეიძლება ისაუბროს ვარაუდებით, მაგრამ ხელისუფლებამ კეთილი უნდა ინებოს და გასცეს პასუხი, ეს არის თუ არა გარედან მართული. მე როგორ მგონია?- აქცია დიდწილად არის და იქ ბევრი ადამიანია, რომელიც გულწრფელად არის ამ პროცესში, მაგრამ არიან გარე ძალები, რომლებიც ცდილობენ ამაზე პოლიტიკური დივიდენდების მიღებას და ხელის მოთბობას", - განაცხადა მანჯგალაძემ.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო