ფინანსთა სამინისტროს შემოსავლების სამსახურის საბაჟო დეპარტამენტის მებაჟე ოფიცრებმა 8 459 ლარის ღირებულების კონტრაფაქციული საქონელი გამოავლინეს.
შემოსავლების სამსახურის ინფორმაციით, სხვისი სასაქონლო ნიშნით უკანონოდ ნიშანდებული საქონელი გაფორმების ეკონომიკურ ზონაში „თბილისი“, საქონლის თავისუფალ მიმოქცევაში გაშვების პროცედურების განხორციელებისას გამოავლინეს.
მათივე განმარტებით, „ინტელექტუალურ საკუთრებასთან დაკავშირებულ სასაზღვრო ღონისძიებათა შესახებ", საქართველოს კანონის მე-10 მუხლის პირველი ნაწილის შესაბამისად, საქონელი შეჩერებას და მფლობელის წერილობითი თანხმობის საფუძველზე განადგურებას დაექვემდებარა.