ოპოზიციური პარტიები, რომლებსაც პარლამენტში წარმომადგენელი არ ჰყავთ, საარჩევნო რეფორმასთან დაკავშირებით კახა კუჭავას ხვდებიან

ოპოზიციური პარტიები, რომლებსაც მე- 10 მოწვევის პარლამენტში წარმომადგენელი არ ჰყავთ, საკანონმდებლო ორგანოში პარლამენტის თავმჯდომარეს კახა კუჭავას ხვდებიან. შეხვედრაზე განხილვის თემა საარჩევნო რეფორმა იქნება.

პარტიები, პარლამენტის თავმჯდომარეს თავიანთ წინადადებებს წარუდგენენ, რომელიც მათი აზრით, კანონპროექტში მეორე მოსმენისას უნდა აისახოს. აღნიშნულ წინადადებებს 11 ოპოზიციური პარტია აწერს ხელს. ძირითადი შენიშვნები ეხება არჩევნებში ბლოკების მონაწილეობის საკითხს, დაფინანსების წესს, ასევე ისინი ითხოვენ, რომ ადგილობრივი არჩევნებისთვის მაჟორიტარული კანდიდატებისთვის 50%-იანი ბარიერი დაწესდეს და კვალიფიციური სტატუსი დაუბრუნდეთ იმ პარტიებს, რომლებმაც ბარიერი გადალახეს.

„დიდი იმედი გვაქვს, რომ პარლამენტის ახალი თავმჯდომარე შეეცდება ოპოზიციასთან დიალოგის წარმოებას. დღემდე არის მიდგომა, რომ რაც მმართველ პარტიას სჭირდება, ან დასავლეთი დაავალებს, იმას მიიღებენ, მაგრამ რასაც ქვეყნის შიგნით პარტიები ან სამოქალაქო საზოგადოება უკარნახებს ის ცალსახად იყო იგნორირებული. ჩვენ იმედი გვაქვს, რომ კუჭავა ნამდვილად არის გამონაკლისი მმართველ პარტიაში, რომელსაც შეუძლია განსხვავებული აზრის მოსმენა და დარწმუნებული გარ, კარგად ესმის ისიც, რომ კოდექსი არ უნდა იყოს ერთ პარტიაზე მორგებული,"- განაცხადა „თავისუფალი საქართველოს“ ლიდერმა კახა კუკავამ.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა