დღეს ჩემი შრომა იქნება მიდრეკილი იქითკენ, რომ მხარეები დავარწმუნო, კომპრომისი სჯობს „ამნისტიის შესახებ“ სათითაო კანონპროექტების გატანას, - ამის შესახებ „გირჩის" ლიდერმა იაგო ხვიჩიამ ჟურნალისტებთან, ამნისტიის თაობაზე საპარლამენტო პარტიებისა და პარლამენტის თავმჯდომარის, კახა კუჭავას შეხვედრის დაწყებამდე განაცხადა.

როგორც მან აღნიშნა, შეთანხმების შანსი არსებობს.

„წინააღმდეგობრივი დამოკიდებულება მაქვს, ვგრძნობ, შანსი არსებობს, რომ კომპრომისი იქნას მიღწეული, თუმცა, გარანტია არ არსებობს. რაზე შეთანხმებულა აქამდე ჩვენი პოლიტიკური სპექტრი მარტივად, რომ ამნისტიის კანონპროექტზე გვქონდეს მოლოდინი, რომ მარტივად შეთანხმდებიან. უბრალოდ, ამის შანსი არსებობს, მაგრამ არსებული ტრადიციები არ გვიწყობს ხელს, გარანტირებულად ვთქვათ, რომ ნამდვილად შევთანხმდებით. თუმცა, უნდა ვეცადოთ“, - განაცხადა ხვიჩიამ.