ნიკოლოზ ბასილაშვილის სასამართლო პროცესზე ჩვენებას დღეს ფსიქოლოგები მისცემენ

თბილისის საქალაქო სასამართლოში ყოფილი მეუღლის მიმართ განხორცილებულ ძალადობაში ბრალდებული ჩოგბურთელის, ნიკოლოზ ბასილაშვილის სასამართლო პროცესი მიმდინარეობს.

დღევანდელი სასამართლო პროცესი მოწმეთა დაკითხვით გაგრძელდება. არსებული ინფორმაციით, სასამართლოში ჩვენებას ფსიქოლოგები მისცემენ.

როგორც პროცესის დაწყებამდე ნელი დოროყაშვილის ადვოკატმა, ანა თავხელიძემ განაცხადა, ერთ-ერთმა ფსიქოლოგმა ბავშვის შეფასება მოახდინა, მეორე ფსიქოლოგმა თავად ნელი დოროყაშვილის მდგომარეობა შეაფასა.

"ამ ეტაპზე საქმეზე გრძელდება საქმის არსებითი განხილვა და იკითხებიან ბრალდების მხარის მოწმეები. რამდენადაც ჩვენთვის ცნობილი, დღევანდელი პროცესზე დაიკითხებიან ფსიქოლოგები და ასევე, შესაძლებელია ერთ-ერთი მოწმეც დაიკითხოს, საუბარია დაზარალებულის მეგობარზე. ჩვენთვის წინსწრებად ცხადია, არ არის ცნობილი, როგორ განვითარდება მოვლენები. მოლოდინი გვაქვს, რომ ისინი დაადასტურებენ იმ ინფორმაციას, რაც გამოძიებას მიაწოდეს და კიდევ ერთხელ დაარწმუნებს სასამართლოს მათი ჩვენებები, რომ ძალადობა სისტემატიურად ხორციელდებოდა სხვადასხვა ფორმით ნელი დოროყაშვილის მიმართ", - განაცხადა თავხელიძემ.

დღევანდელ სასამართლო პროცესზე შესაძლოა, ნელი დოროყაშვილის მეგობარიც დაიკითხოს.

"ის არის გარკვეულწილად თვითმხილველი, დაადასტუროს ფსიქოლოგიური ძალადობის ფაქტი, თუმცა, არ ვიცით დღეს შეძლებს თუ არა, სასამართლო მის მოსმენას შეზღუდული დროიდან გამომდინარე",- განაცხადა თავხელიძემ.

ცნობისთვის, საქართველოს პროკურატურამ ყოფილი მეუღლის მიმართ განხორციელებული ფიზიკური ძალადობის ფაქტზე ნიკოლოზ ბასილაშვილს ბრალდება საქართველოს სისხლის სამართლის კოდექსის 126-ე პრიმა მუხლის მე-2 ნაწილის „ბ“ ქვეპუნქტით წარუდგინა, რაც გულისხმობს ოჯახში ძალადობას არასრულწლოვნის თანდასწრებით. მოგვიანებით პროკურატურამ ბასილაშვილს ბრალდება დაუზუსტა და მას ძალადობის რამდენიმე ეპიზოდთან ერთად, ფსიქოლოგიურ და ეკონომიკურ ძალადობასაც ედავებიან.

პროკურატურის ინფორმაციით, გამოძიებით დადგინდა, რომ 2020 წლის 21 მაისს, თბილისში, ავჭალის დასახლებაში, ნიკოლოზ ბასილაშვილმა ურთიერთშელაპარაკების ნიადაგზე, ყოფილი მეუღლის ნელი დოროყაშვილის მიმართ ფიზიკური ძალადობა განახორციელა. სამართალდამცველებმა ნიკოლოზ ბასილაშვილი 2020 წლის 22 მაისს დააკავეს. სასამართლომ ბასილაშვილის აღკვეთის ღონისძიების საკითხზე იმსჯელა და ის 100 000-ლარიანი გირაოს სანაცვლოდ გაათავისუფლა.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა