ადვოკატი - ნიკოლოზ ბასილაშვილი საკუთარ უდანაშაულობაში დარწმუნებულია

ნიკოლოზ ბასილაშვილი დარწმუნებულია საკუთარ უდანაშაულობაში, - ამის შესახებ ყოფილი მეუღლის მიმართ განხორცილებულ ძალადობაში ბრალდებული ჩოგბურთელის, ნიკოლოზ ბასილაშვილის ადვოკატმა ირმა ჭკადუამ განაცხადა. როგორც მან პროცესის დაწყებამდე განმარტა, ბასილაშვილი წარდგენილ ბრალდებაში უდანაშაულოა.

„მოვლენებს წინ ვერ გავუსწრებთ, ჯობს, რომ მოვუსმინოთ მათ პროცესზე. ბუნებრივია, მათ ყველა კითხვას უნდა გასცენ პასუხი. შესაბამისად, ჩვენც გვექნება საკმაოდ ბევრი და კრიტიკული კითხვა, დაველოდოთ მოვლენებს. არა თუ მოლოდინი გვაქვს, დარწმუნებული ვართ იმაში, რომ ნიკოლოზ ბასილაშვილი ამ ბრალდების საქმეზე სრულიად უდანაშაულოა", - განაცხადა ჭკადუამ.

კითხვაზე, იგეგმება თუ არა, უახლოეს მომავალში ნელი დოროყაშვილის დაკითხვა, ჭკადუა პასუხობს, რომ ის ბრალდების მხარის მოწმეა და შესაბამისად, ბრალდება თავად განსაზღვრავს იმას, თუ როდის მისცემს დაზარალებული ჩვენებას.

ასევე, კითხვაზე თუ რა პოზიცია აქვს ნიკოლოზ ბასილაშვილს აღნიშნულ საქმეზე, ჭკადუა პასუხობს, რომ ”ნიკა ელოდება პროცესს და დარწმუნებულია საკუთარ უდანაშაულობაში".

ცნობისთვის, საქართველოს პროკურატურამ ყოფილი მეუღლის მიმართ განხორციელებული ფიზიკური ძალადობის ფაქტზე ნიკოლოზ ბასილაშვილს ბრალდება საქართველოს სისხლის სამართლის კოდექსის 126-ე პრიმა მუხლის მე-2 ნაწილის „ბ“ ქვეპუნქტით წარუდგინა, რაც გულისხმობს ოჯახში ძალადობას არასრულწლოვნის თანდასწრებით. მოგვიანებით პროკურატურამ ბასილაშვილს ბრალდება დაუზუსტა და მას ძალადობის რამდენიმე ეპიზოდთან ერთად, ფსიქოლოგიურ და ეკონომიკურ ძალადობასაც ედავებიან. პროკურატურის ინფორმაციით, გამოძიებით დადგინდა, რომ 2020 წლის 21 მაისს, თბილისში, ავჭალის დასახლებაში, ნიკოლოზ ბასილაშვილმა ურთიერთშელაპარაკების ნიადაგზე, ყოფილი მეუღლის ნელი დოროყაშვილის მიმართ ფიზიკური ძალადობა განახორციელა. სამართალდამცველებმა ნიკოლოზ ბასილაშვილი 2020 წლის 22 მაისს დააკავეს. სასამართლომ ბასილაშვილის აღკვეთის ღონისძიების საკითხზე იმსჯელა და ის 100 000-ლარიანი გირაოს სანაცვლოდ გაათავისუფლა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„მაკდონალდს საქართველო“ Mc Happy Day-ის საქველმოქმედო კამპანიას იწყებს