ანრი ოხანაშვილი - მიშელის შეთანხმებიდან გამომდინარე, ეს ამნისტიის კანონპროექტი გაჯერებულია პოლიტიკური შემადგენელი კომპონენტებით

ჩვენ ვაცნობიერებთ, რომ ეს ამნისტიის კანონპროექტი განსხვავდება ყველა სხვა აქამდე დაინიცირებული ამნისტიის კანონპროქტებისგან, რადგან ის გაჯერებულია პოლიტიკური შემადგენელი კომპონენტებით, - ამის შესახებ იურიდიულ საკითხთა კომიტეტის თავმჯდომარემ ანრი ოხანაშვილმა პლენარულ სხდომაზე განაცხადა.

მისივე თქმით, „ამნისტიის შესახებ“ კანონპროექტის საფუძველი, განსხვავებით წინა ამნისტიებისგან, არის შარლ მიშელის შეთანხება.

„შარლ მიშელის შეთანხმებიდან გამომდინარე, ეს ამნისტიის კანონპროექტი არის გაჯერებული პოლიტიკური შემადგენელი კომპონენტებით. ყველასთვის კარგად ცნობილია, რომ ამნისტია არის სახელმწიფოს მხრიდან პოლიტიკური აქტი, კონკრეტულ გარემოებებზე დაყრდნობით, ერთჯერადი და განსაკუთრებული ღონისძიება. ჩვენ ხაზგასმით ვამბობთ, რომ „ქართული ოცნება“ რჩება ერთგული ევროპული შეთანხმების. ჩვენ ვრჩებით ერთგული იმ ნაკისრი ვალდებულების, რომელიც არის ამ შეთანხმებაში გაწერილი ამნისტიასთან დაკავშირებით. მიგვაჩნია, რომ ის ტექსტი, რომელიც შარლ მიშელის დოკუმენტშია წარმოდგენილი ამნისტიასთან დაკავშირებით ზედმიწევნით უნდა დავიცვათ და სწორედ ამის შესაბამისად უნდა მივიღოთ ამნისტიის კანონპროექტი. ჩვენ ამნისტიის კანონპროექტს არ ვუყურებთ განყენებულად როგორც ცალკე ამნისტიის კანონპროექტს, ეს არის ამ შეთანხმებაში ჩადებული მთელი რიგი ნაკისრი ვალდებულებების ერთ-ერთი შემადგენელი ნაწილი. იცით, რომ შარლ მიშელის დოკუმენტის ხელმომწერმა პარტიებმა მაღალი პოლიტიკური კულტურა და პასუხისმგებლობა გამოავლინეს. ჩვენ ამას ყველა პარტიაზე ვერ ვიტყვით. ვისაც ხელი დღემდე არ მოუწერია, რა თქმა უნდა, მათ ეს მაღალი პოლიტიკური კულტურა და პასუხისმგებლობა არ გამოუვლენიათ. „ქართული ოცნება“ იყო და რჩება პარტია, რომელიც სახელმწიფო ინტერესებზე მაღლა არაფერს აყენებს, პირიქით, ის პარტიული თუ სუბიექტური ინტერესები ჩვენ უკანა პლანზე გადავწიეთ და წინ სახელმწიფოებრივი და საზოგადოებრივი ინტერესები წამოვწიეთ. ინტერესები, რაც ამ შეთანხმებაშია ჩადებული, შეეხება პოლიტიკური თანამშრომლობის კულტურის გამოვლინებას საპარლამენტო უმრავლესობასა და ოპოზიციურ პარტიებს შორის, თანამშრომლობის ახალ საფეხურზე გადასვლას და რაც მთავარია, პოლარიზიაციისა და ესკალაციის შემცირებას. ჩვენი ამოცანაა, დავრჩეთ ერთგულნი ჩვენი პარტნიორების, ევროპული ღირებულების და სახელმწიფო ინტერესების. ჩვენი ქვეყნისთვის სასიცოცხლოდ მნიშვნელოვანია პოლარიზაციის შემცირება და დეესკალაციის პოლიტიკის გატარება“, - განაცხადა ოხანაშვილმა.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა