ის, ვინც პირდაპირ თუ ირიბად ოკუპანტი ქვეყნის ინტერესებს ემსახურება და საერთო აქვს, ჩემთვის მიუღებელია , - ასე ეხმიანება ფრაქცია "ქართული ოცნების" თავმჯდომარე მამუკა მდინარაძე ლევან ვასაძისა და „საერთაშორისო ევრაზიული მოძრაობის" ლიდერ ალექსანდრე დუგინის შეხვედრას.
მისი თქმით, მას ისეთივე დამოკიდებულება აქვს ამასთან დაკავშირებით, როგორიც საქართველოს ნებისმიერ მოქალაქეს, რომელსაც ესმის, რა არის ეროვნული ინტერესი და ვინ არის ოკუპანტი.
"ის, ვინც პირდაპირ თუ ირიბად ოკუპანტი ქვეყნის და ოკუპანტი ხელისუფლების ინტერესებს ემსახურება, საერთო აქვს, იზიარებს გარკვეულ საკითხებს, მათ უჭერს მხარს, ჩემთვის ისევე მიუღებელია, როგორც ამ ქვეყნის ნებისმიერი მოქალაქისთვის, რომელსაც სწორი დამოკიდებულება აქვს ვინ არის მტერი, რა არის ეროვნული ინტერესი, ვინ არის ოკუპანტი და რას აკეთებს იმისათვის, ეს ქვეყანა და ქართული, ეროვნული ინტერესი დააზიანოს", - განაცხადა მდინარაძემ.