კახა კახიშვილი - არ არის სამართლიანი მიდგომა, ვაპატიოთ მათ, ვისაც ხელისუფლების ხელში ჩაგდება სურდათ და არ ვაპატიოთ მათ, ვინც ამის აღკვეთისას ჩაიდინეს დანაშაული

პარლამენტის დეპუტატი კახა კახიშვილი მიიჩნევს, რომ უსამართლო და არალოგიკურია მიდგომა, ამნისტია შეეხოს პირებს, რომლებმაც პარლამენტში შეღწევით მიზნით დანაშაულის ჩადენა დაიწყეს, ხოლო არ გავრცელდეს პოლიციელებზე, რომლებმაც აღნიშნულის აღკვეთისას შესაძლოა, ასევე ჩაიდინეს დანაშაული და გადაამეტეს უფლებამოსილებას.

კახა კახიშვილმა აღნიშნულთან დაკავშირებით პარლამენტის სხდომაზე ისაუბრა, სადაც ამნისტიის კანონპროექტი განიხილეს. დეპუტატი ოპოზიციონერი კოლეგის შალვა შავგულიძის განცხადებას გამოეხმაურა.

„რამდენად სამართლიანია, ვაპატიოთ და გათავისუფლდეს ადამიანი, რომელმაც დაიწყო დანაშაული, რეალურად პარლამენტში შეღწევის მიზნით; მეორე მხრივ კი, არ უნდა ვაპატიოთ ჩვენივე მოქალაქეებს, რომლებიც მუშაობენ პოლიციაში და, რომლებმაც უკვე დაწყებული დანაშაულის აღკვეთისას ჩაიდინეს დანაშაული და უფლებამოსილების გადამეტება. პოლიციელებს ხომ არ დაუწყიათ დანაშაული. 72 საათი იდგნენ ქუჩაში, ამავდროულად, იტანდნენ წყევლას, გინებას და თუ აღკვეთის დროს მათგან ნაწილმა გადაამეტა უფლებამოსილებას არ ვაპატიოთ, ხოლო ვაპატიოთ დანარჩენებს, რომლებსაც ხელისუფლების ხელში ჩაგდება სურდათ? მე ფიქრობ, ასეთი მიდგომა არ არის სამართლიანი, არც ლოგიკური“, - განაცხადა კახა კახიშვილმა.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის