„მოქალაქეების" ერთ - ერთი ლიდერი, ვიცე-სპიკერი ლევან იოსელიანი მიიჩნევს, რომ სასამართლო რეფორმასთან დაკავშირებულ პროცესში არასამთავრობო სექტორი უნდა ჩაერთოს. როგორც მან სასამართლო რეფორმის პირველი სამუშაო ჯგუფის შეხვედრის დაწყებამდე ჟურნალისტებთან განაცხადა, სწორედ ამის შემდეგ გამოჩნდება, გატარდება თუ არა ამ მიმართულებითაც ისეთივე სისტემური ცვლილებები, როგორიც საარჩევნო კოდექსში მიიღეს.
„მმართველი პარტიისგან მოვისმენთ, როგორ წარმოუდგენიათ, შარლ მიშელის დოკუმენტით სასამართლო სისტემის რეფორმა. კონკრეტულად მაინტერესებს, რაზე არიან წამომსვლელები და როგორ წარმოუდგენიათ რეფორმის ჩატარება. რა თქმა უნდა, ჩვენ ჩვენი ხედვა გვაქვს, რომ ამ პროცესში არასამთავრობო ორგანიზაციები უნდა ჩაერთონ, რომელთაც საინტერესო ხედვა აქვთ. ამის შემდეგ ნათლად გამოიკვეთება, შევძლებთ თუ არა სასამართლოში ისეთი სისტემური ცვლილებები განვახორციელოთ, როგორიც გავაკეთეთ საარჩევნო კოდექსში, თუ ესეც იქნება რაღაც კოსმეტიკური ცვლილებები, რაც რეალურად არაფერს არ შეცვლის,"- განაცხადა იოსელიანმა.
იხილეთ ვიდეო:ლევან იოსელიანი მიიჩნევს, რომ სასამართლო რეფორმასთან დაკავშირებულ პროცესში არასამთავრობო სექტორი უნდა ჩაერთოს