ისრაელის ქნესეთის თავმჯდომარე კახა კუჭავას საქართველოს პარლამენტის თავმჯდომარედ არჩევას ულოცავს

ისრაელის ქნესეთის თავმჯდომარე, იარივ ლევინი კახა კუჭავას საქართველოს პარლამენტის თავმჯდომარის თანამდებობაზე არჩევას ულოცავს,- აღნიშნულის შესახებ „ინტერპრესნიუსს“ საქართველოს პარლამენტიდან აცნობეს.

„მაქვს პატივი, ქნესეთისა და მისი წევრების სახელით, მოგილოცოთ საქართველოს პარლამენტის თავმჯდომარის თანამდებობაზე არჩევა. იმედს გამოვთქვამ, რომ ეს თანამდებობა და თქვენი ამ პოზიციაზე ჰყოფნის ვადა წარმატებული იქნება თქვენთვის საჯარო სამსახურში პერსონალური და პროფესიული მიღწევების მხრივ.

ისრაელსა და საქართველოს შორის ურთიერთობები სტაბილურად მყარდება; მე განვიხილავ თქვენს ქვეყანას, როგორც ჭეშმარიტ პარტნიორს, რომელთანაც გვაკავშირებს საერთო ფასეულობები და ინტერესები. იმედს გამოვთქვამ, რომ თქვენი გულთბილი და მჭიდრო კონტაქტები ისრაელთან და ქვეყნის შესახებ სხვადასხვა სფეროში ფართოდ ინფორმირებულობა საპარლამენტო დონეზე კიდევ უფრო მეტად გააღრმავებს ურთიერთობებს ქნესეთსა და საქართველოს პარლამენტს შორის.

გამოვთქვამ რწმენას ჩვენს უმაღლეს საკანონმდებლო ორგანოებს შორის ნაყოფიერ თანამშრომლობაზე, კიდევ ერთხელ მოგილოცავთ თანამდებობაზე არჩევას და გულწრფელად გისურვებთ ულევ ჯანმრთელობას თქვენ პირადად და თქვენი პარლამენტის ყველა წევრს“,- წერია ქნესეთის თავმჯდომარის მისალოც წერილში.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის