საქართველოს მედიატორთა ასოციაციის თავმჯდომარე, ირაკლი ყანდაშვილი ევროპის ადვოკატთა ასოციაციის მედიაციის კომიტეტის თავმჯდომარედ აირჩიეს

საქართველოს მედიატორთა ასოციაციის თავმჯდომარე, ირაკლი ყანდაშვილი ევროპის ადვოკატთა ასოციაციის მედიაციის კომიტეტის თავმჯდომარედ აირჩიეს. ამის შესახებ ინფორმაციას საქართველოს მედიატორთა ასოციაცია ავრცელებს.

მათივე ინფორმაციით, მედიაციის კომიტეტი, ევროპის ადვოკატთა ასოციაციის ეგიდით პირველად შეიქმნა და ევროპის სხვადასხვა ქვეყანაში მოქმედ მედიატორებს აერთიანებს.

„ მედიაცია დავის გადაწყვეტის ალტერნატიული მექანიზმია, რომლის მიმართ ინტერესი მზარდია განსაკუთრებით ევროპის მასშტაბით. დღეისათვის მედიაცია წარმოადგენს ყველაზე სწრაფად განვითარებად დავის გადაწყვეტის ალტერნატიულ საშუალებას მსოფლიოში, რომელსაც ახასიათებს მესამე დამოუკიდებელი, მიუკერძოებელი და ნეიტრალური პირის ჩართულობით, კონფიდენციალური და სტრუქტურირებული პროცესის ფარგლებში კონფლიქტის მხარეებისათვის დავის შესახებ გადაწყვეტილების მიღების შესაძლებლობის დელეგირება, რაც მედიაციის მთავარი მახასიათებელი თვისებაა.

მედიაციის, როგორც დავის გადაწყვეტის მექანიზმის განვითარება და პოპულარობა, დიდწილად დამოკიდებულია ადვოკატის, როგორც წარმომადგენლის მედიაციაში სწორ და ეფექტურ ჩართულობაზე, აღნიშნული მიმართულებით ეს ორი პროფესია მჭიდროდ უნდა თანამშრომლობდეს, რა მიზნებსაც ევროპის მასშტაბით, მათ შორის, მოემსახურება მედიაციის კომიტეტი, რომელიც ევროპის ადვოკატთა ასოციაციის ფარგლებში დაფუძნდა.

ევროპის ადვოკატთა ასოციაცია (AEA-EAL) 1986 წელს ევროპელმა ადვოკატებმა ბრიუსელში დააფუძნეს, ორგანიზაციის საქმიანობა მიმართულია ევროპის ქვეყნებში ადვოკატის პროფესიის მხარდაჭერის და კანონის უზენაესობის დამკვიდრებისკენ”,- აღნიშნულია გავრცელებულ ინფორმაციაში.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა