დავით ზალკალიანის შეფასებით, ჟოზეფ ბორელის განცხადება, რომ ევროკავშირის მინისტრების ჯგუფი სამხრეთ კავკასიის სამ ქვეყანაში ვიზიტს გამართავს, დიპლომატიური სამსახურის აქტიური მუშაობის შედეგია

საქართველოს საგარეო საქმეთა მინისტრის, დავით ზალკალიანის განცხადებით, საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელის, ჟოზეფ ბორელის განცხადება, რომ ევროკავშირის მინისტრების ჯგუფი სამხრეთ კავკასიის სამ ქვეყანაში ვიზიტს გამართავს, მნიშვნელოვანი განაცხადი და დიპლომატიური სამსახურის ძალიან აქტიური მუშაობის შედეგია.

როგორც ზალკალიანმა ჟურნალისტებს განუცხადა, საკითხის ასეთ დონეზე აწევა საქართველოს ძალიან წაადგება.

„ეს ძალიან მნიშვნელოვანი განაცხადია. ჩვენი დიპლომატიური სამსახური ძალიან აქტიურად მუშაობს ჩვენს ევროპელ პარტნიორებთან იმისთვის, რომ მსგავსი სახის ნაბიჯები იყოს გადადგმული.

ეს არის სწორედ ჩვენი აქტიური მუშაობის შედეგი. მუდმივად ვაყენებთ მათთან შეხვედრებზე ამ საკითხს, რომ მეტი ჩართულობა იყოს ჩვენი ევროპელი პარტნიორების მხრიდან უმაღლეს დონეზე უსაფრთხოების თემებთან მიმართებაში და კონფლიქტებთან დაკავშირებით. ეს არის მხოლოდ და მხოლოდ მისასალმებელი. დარწმუნებული ვართ, მეტი ყურადღება, მეტი აქტუალიზაცია საქართველოს ოკუპირებულ ტერიტორიებზე შექმნილ სიტუაციასთან დაკავშირებით მხოლოდ და მხოლოდ დაგვეხმარება ჩვენ ყველა საერთაშორისო ფორმტში, მათ შორის ევროკავშირის ფარგლებში.

მოგეხსენებათ, ევროკავშირის წარმომადგენელი აქტიურად არის ჩართული ჟენევის მოლაპარაკების პროცესში, ევროკავშირის სადამკვირვებლო მისია არის ერთ-ერთი მთავარი საერთაშორისო მისია, რომელიც მოქმედებს საქართველოში. საკითხის ასეთ დონეზე აწევა ვფიქრობ ძალიან წაგვადგება“, - განაცხადა ზალკალიანმა.

ცნობისთვის, ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ჟოზეფ ბორელმა ლისაბონში, ევროკავშირის საგარეო საქმეთა მინისტრების არაფორმალური შეხვედრის შემდეგ გამართულ პრესკონფერენციაზე განაცხადა, რომ ევროკავშირის მინისტრების ჯგუფი, მისი სახელით, სამხრეთ კავკასიის სამ ქვეყანაში ვიზიტს გამართავს, რათა ევროკავშირმა აჩვენოს მზადყოფნა და ჩავერთოს რეგიონში მიმდინარე მოვლენებში.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 17.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის