თეა წულუკიანი -  არ მგონია, რომ იმ პოლიტიკურ ბრძოლაში, რომელიც ოქტომბერში გაიმართება, ვინმე ჩვენს "ბეჭებზე დაცემას" შეძლებს - არ მგონია, რომ გახარიას პოლიტიკაში ადვილი გზა ექნება

წარმატებისთვის ძალიან ბევრი წინაღობის გადალახვა მოუწევს, დიდი შრომა, ასევე რეიტინგული და მაღალკვალიფიკაციური გუნდი უნდა ჰყავდეს, რასაც ჯერჯერობით მის გარშემო ვერ ვხედავ, - ამის შესახებ კულტურის, სპორტისა და ახალგაზრდობის მინისტრმა თეა წულუკიანმა ჟურნალისტებთან გიორგი გახარიას ახალი გუნდის ჩამოყალიბებასთან დაკავშირებით განაცხადა.

თეა წულუკიანის შეფასებით, გიორგი გახარიას პოლიტიკურ სცენაზე ხელახლა შემოსვლა ავტომატურად წარმატებული არ იქნება.

„მისთვის ძალიან არასწორია ეს გადაწყვეტილება. მე არ მგონია, რომ პოლიტიკაში ადვილი გზა ექნება. შეიძლება, როდესაც დატოვებ თანამდებობას, მაღალი რეიტინგი გაქვს და სიის პირველი ლიდერი იყავი გარკვეული ილუზია გქონდეს, რომ უკან სცენაზე შემოსვლა ავტომატურად წარმატებული იქნება, მაგრამ მე არ მგონია, რომ ეს ასე იქნება. წარმატებისთვის მას ძალიან ბევრი წინაღობის გადალახვა მოუწევს, ძალიან დიდი შრომა და ასევე რეიტინგული და მაღალკვალიფიკაციური გუნდი უნდა ჰყავდეს, რასაც მე ჯერჯერობით მის გარშემო ვერ ვხედავ. დაველოდოთ ხვალინდელ დღეს“, - განაცხადა წულუკიანმა.

მინისტრის თქმით, „ქართული ოცნება“ არჩევნებისთვისემზადება და მისი პარტიის „ბეჭებზე დაცემას“ ვერავინ შეძლებს.

„მთავარია ჩვენი გეგმა. მთავარია, რომ „ქართული ოცნება“ არჩევნებისთვის თავად ემზადება და მე არ მგონია, რომ იმ პოლიტიკურ ბრძოლაში, რომელიც ოქტომბერში გაიმართება, ვინმე ჩვენს "ბეჭებზე დაცემას" შეძლებს“, - განაცხადა წულუკიანმა.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა