არასაპარლამენტო ოპოზიცია საქართველოში აშშ-ის ელჩს კელი დეგნანს შეხვდა, სადაც მხარეებმა საარჩევნო რეფორმასთან დაკავშირებული საკითხები განიხილეს.
როგორც პარტია „სამართლიანობისთვის“ თავმჯდომარემ ეკა ბესელიამ, შეხვედრის დასრულების შემდეგ ჟურნალისტებთან განაცხადა, არჩევნებში მნიშვნელოვანია, რომ პარტიებისთვის თანაბარი და სამართლიანი გარემო იყოს შექმნილი.
„ძალიან კონკრეტული წინადადებებია, რომელიც მნიშვნელოვანია, რომ ამ საარჩევნო კოდექსის ცვლილებების პროცესში იყოს მხარდაჭერილი, ეს ეხება თანაბარი მონაწილეობის, მათ შორის ბლოკების თემას, მათ შორის არჩევნებში პარტიებისთვის თანაბარი და სამართლიანი გარემოს შექმნას და რა თქმა უნდა, მე პირადად განსაკუთრებით ყურადღება გავამახვილე, რომ მართლმსაჯულების რეფორმის გარეშე, რომელზედაც აბსოლუტურად ყველა ჩვენი პარტნიორი წუხს და ცნობილი პოლიტიკური შეთანხმებაც ითვალისწინებს მართლმსაჯულების რეფორმას, უბრალოდ არჩევნების ჩატარება თავისუფალ პირობებში შეუძლებელია“, - განაცხადა ბესელიამ.
იხილეთ ვიდეო:არასაპარლამენტო ოპოზიცია კელი დეგნანს შეხვდა