28 მაისს დეველოპერულმა კომპანიამ ,,იორკ თაუერსი’’ საქართველოს სამშენებლო და საბანკო სექტორის წარმომადგენლებთან ერთად დარგობრივ დისკუსიაში მიიღო მონაწილეობა.

კომპანიის ინფორმაციით, ონლაინ რეჟიმში, შეხვედრის მონაწილეებმა განიხილეს საერთაშორისო საფინანსო კორპორაციის (IFC) კვლევა ქართული ბაზრის შესახებ და მის ძირითად ასპექტებზე იმსჯელეს. საერთაშორისო საფინანსო კორპორაცია (IFC), მსოფლიო ბანკის წევრი, ერთ-ერთი მსოფლიო ლიდერია კლიმატის/მწვანე დაფინანსების საკითხებში და 20 წელზე მეტი გამოცდილება აქვს ამ სფეროში.

შეხვედრის ერთ-ერთი მთავარი თემა იყო მწვანე მშენებლობა, რომელიც სამშენებლო სფეროს ახალი და პერსპექტიული მიმართულებაა. „საერთაშორისო დეველოპერული კომპანია ,,იორკ თაუერსი’’ მუდმივად ცდილობს შექმნას ჯანსაღი გარემო და იზრუნოს ეკოლოგიაზე. კომპანიის ყველა პროექტი არის ეკო-მეგობრული და მათ ძირითად ნაწილს სარეკრეაციო ზონები წარმოადგენს“, - ნათქვამია ინფორმაციაში.