საბერძნეთის პარლამენტის სპიკერი კონსტანტინოს ტასულასი კახა კუჭავას საქართველოს პარლამენტის თავმჯდომარის თანამდებობაზე არჩევას ულოცავს. ამის შესახებ ინფორმაციას საქართველოს პარლამენტი ავრცელებს.

„მსურს პირადად და საბერძნეთის პარლამენტის წევრების სახელით გულწრფელად მოგილოცოთ საქართველოს პარლამენტის თავმჯდომარის თანამდებობაზე არჩევა და გისურვოთ წარმატებები თქვენი მოვალეობების შესრულებისას.

გამოვთქვამ რწმენას, რომ ამ თანამდებობაზე თქვენ შეიტანთ მნიშვნელოვან წვლილს საერთაშორისო საპარლამენტო თანამშრომლობის ხელშეწყობასა და როგორც ორმხრივი, ასევე საპარლამენტო ურთიერთობების გამყარებაში. გიდასტურებთ ჩემს უღრმეს პატივისცემას“,- წერია საქართველოს პარლამენტის თავმჯდომარისთვის გამოგზავნილ წერილში.