დიდ დიღომში მომხდარი ავტოსაგზაო შემთხვევის ფაქტზე სამართალდამცავებმა ერთი პირი დააკავეს, რომელიც ავტომობილს ნასვამ მდგომარეობაში მართავდა.
მსუბუქი ავტომანქანის მძღოლი მუნიციპალურ ტრანსპორტს - ავტობუსს დაეჯახა და შემთხვევის ადგილიდან მიიმალა.
როგორც „ინტერპრესნიუსს“ შინაგან საქმეთა სამინისტროში განუცხადეს, ადგილიდან მიმალულ მამაკაცს სამართალდამცავები დაედევნენ და ის ადმინისტრაციული წესით დააკავეს. როგორც უწყებაში განმარტავენ, დაკავებული პირი ალკოჰოლური ზემოქმედების ქვეშ იმყოფებოდა, ამასთან მას მართვის მოწმობა არ ჰქონდა.