ნათია თურნავა პროგრამის „აწარმოე საქართველოში" ბენეფიციარი საწარმოს საქმიანობას გაეცნო

ეკონომიკისა და მდგრადი განვითარების მინისტრი ნათია თურნავა პროგრამის „აწარმოე საქართველოში" ბენეფიციარი კომპანიის „როიალ - ჯორჯიას" საწარმოში იმყოფებოდა, სადაც საწარმოო პროცესს გაეცნო. „როიალ - ჯორჯიას" საქართველოს მთავრობამ საინვესტიციო პირობებით 5,363 კვ.მ. ფართობის მიწა გადასცა, ხოლო 2020 წელს პროგრამის „აწარმოე საქართველოში" მხარდაჭერით საწარმოს ტექნოლოგიური განახლება განხორციელდა. ამის შესახებ „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს.

„როიალ ჯორჯია" სხვადასხვა სახეობის ორთოპედიულ მატრასებსა და ბალიშებს აწარმოებს, რომელთა რეალიზაცია ხდება როგორც საქართველოში, ასევე მის ფარგლებს გარეთ. ნათია თურნავა გაეცნო ახალ საწარმოო ხაზებს, რომლებიც საწარმოში პროგრამის „აწარმოე საქართველოში" მხარდაჭერით დამონტაჟდა. ამან საშუალება მისცა კომპანიას, უარი ეთქვა ნედლეულის უცხოეთიდან შემოტანაზე და მთლიანი საწარმოო ციკლი ადგილობრივი პროდუქციით შეევსო.

საწარმოში განხორციელდა 3,7 მლნ ლარზე მეტი ინვესტიცია, მათ შორის, აზერბაიჯანიდან და თურქეთიდან. კომპანიაში დასაქმებულია 50 ადამიანი, ხოლო წარმოებული პროდუქცია, საქართველოს გარდა, იყიდება აშშ - ში, აზერბაიჯანში, თურქეთსა და გერმანიაში.

მინისტრთან ერთად, კომპანია „როიალ - ჯორჯიას" საწარმოში იმყოფებოდნენ ეკონომიკისა და მდგრადი განვითარების მინისტრის მოადგილე ირაკლი ნადარეიშვილი და სსიპ სააგენტოს „აწარმოე საქართველოში" დირექტორი მიხეილ ხიდურელი.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა