ვეტერანების საქმეთა სახელმწიფო სამსახური ჩეხეთის საქველმოქმედო ფონდის REGI BASE I-სა და  REGI BASE GEORGIA-ს  დამფუძნებლებს უმასპინძლებს

ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, ხვალ უწყებაში, ჩეხური საქველმოქმედო ფონდის, REGI BASE I-სა (’’რეგი ბეიზ I’’) და, საქართველოში ამ ფონდის ფილიალის, ფონდ REGI BASE GEORGIA-ს (‘’რეგი ბეიზ ჯორჯია’’) დამფუძნებლებს_ჰინეკ ჩეხსა და მიხეილ ტარახჩევს უმასპინძლებს.

ვეტერანების საქმეთა სახელმწიფო სამსახურის ინფორმაციით, სტუმრები უწყების სტრუქტურას, მუშაობის სპეციფიკას, ადმინისტრაციულ მოწყობას, ვეტერანთა სოციალური, ეკონომიკური მდგომარეობის გასაუმჯობესებლად სამსახურის და სახელმწიფოს ერთობლივი ძალისხმევით განხორციელებულ და სამომავლო პროექტებს და იმ გამოწვევებს გაეცნობიან, რომლებიც სამსახურისა და მისი ბენეფიციარების წინაშე დგას.

მათივე ინფორმაციით, დაიდება ურთიერთთანამშომლობის მემორანდუმი, რომელიც მიზნად ისახავს, საქართველოს დამოუკიდებლობის, სუვერენიტეტისა და ტერიტორიული მთლიანობისათვის წარმოებულ ბრძოლებში, საერთაშორისო სამშვიდობო მისიებსა და სამსახურებრივი მოვალეობის შესრულების დროს დაჭრილ და დაშავებულთა სიცოცხლისა და ჯანმრთელობის შესანარჩუნებლად ჩეხეთისა და ევროკავშირის ქვეყნების სამედიცინო, სარეაბილიტაციო ცენტრებსა და კურორტებზე მათ სრულ სამედიცინო და სარეაბილიტაციო დახმარებას, სპეციალისტებს შორის გამოცდილების გაზიარებას.

„საქველმქომედო ფონდი REGI BASE I ჩეხეთში, 10 წლის წინ დაარსდა და მისი დაარსების ინიციატორი, ელიტარული სპეც- დანიშნულების განყოფილების გამოცდილი მებრძოლი, ირჟი შამსი, იგივე REGI შამსი გახლდათ, რომელიც მონაწილეობას იღებდა რამდენიმე სამხედრო კონფლიქტში; 2008 წლის 17 მარტს, ავღანეთში, საერთაშორისო სამშვიდობო მისიის შესრულების დროს, თვითმკვლელი ტერორისტის მიერ აფეთქებული ბომბის შედეგად მიღებული უმძიმესი დაზიანებების გამო, ექვსი თვის განმავლობაში, უგონოდ იწვა. მისი ინიციატივით შექმნილი ამ ფონდის წყალობით, მან შეძლო, რეაბილიტაციის კურსის გავლა, თუმცა, 2015 წლის იანვარში ირჟი შამსი განუკურნებელი სენით დაავადდა და გარდაიცვალა. მისი მემკვიდრეობა კი, აგრძელებს მუშაობას და მსოფლიო მასშტაბით, ომის ვეტერანებს, საერთაშორისო-სამშვიდობო მისიებში დაჭრილ-დასახიჩრებულ და სამსახურებრივი მოვალეობის დროს დაშავებულ პირებს გამოჯანმრთელებასა და რეაბილიტაციის გავლაში ეხმარება. ფონდის ინიციატივით, გასულ წელს, საქართველოში, REGI BASE GEORGIA-ს (‘’რეგი ბეიზ ჯორჯია’’) დაფუძნდა”, - ნათქვამია ინფორმაციაში.

გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
ქართული პრესის მიმოხილვა 11.08.2022
ტექინსპექტირების ცენტრების კავშირის თავმჯდომარე - ტექინსპექტირების გაუვლელობისთვის ჯარიმები ძვირდება - პირველადი ჯარიმა 50 ლარი დარჩება, ყოველი შემდგომი დაჯარიმებისთვის კი თანხა გაიზრდება
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო