ხატია დეკანოიძე განმარტავს, რატომ არ აწერს ხელს „ნაციონალური მოძრაობა“ შარლ მიშელის დოკუმენტს

პოლიტსაბჭოზე უმრავლესობის აზრი იყო შემდეგი, რომ "ერთიანმა ნაციონალურმა მოძრაობამ" გააგრძელოს საპარლამენტო საქმიანობა იმ ახალი პოლიტიკური ვითარებიდან გამომდინარე, რომელიც დღეს შეიქმნა, - ამის შესახებ "ნაციონალური მოძრაობის" ერთ-ერთმა ლიდერმა, ხატია დეკანოიძემ განაცხადა.

მისი თქმით, პარტია იმის გამო არ აწერს ხელს მედიატორების მხრიდან შემოთავაზებულ დოკუმენტს, რომ ამნისტიის საკითხზე არცერთ ვერსიას არ იზიარებს.

"რაც შეეხება შარლ მიშელის დოკუმენტს, პოლიტსაბჭომ იმსჯელა, არაერთხელ დამიფიქსირებია, რომ ამ დოკუმენტში არის ერთი ძალიან მიუღებელი საკითხი, ეს არის ამნისტია, რომელიც თვითონ ნიკა მელიასთვის იყო მიუღებელი და მან ეს სასამართლო სხდომაზე არაერთხელ დააფიქსირა. მე თუ მკითხავთ, ამნისტიის დოკუმენტის არცერთი ვარიანტი ჩემთვის მისაღები არ არის. ამიტომ, ჩვენ ვიმსჯელეთ და მივედით ამ გადაწყვეტილებამდე.

ასევე, დღევანდელ სხდომაზე ვისაუბრეთ მომავალ სტრატეგიაზე, როგორ უნდა შევიდეს პარტია ბრძოლის სტრატეგიაში, როგორ უნდა იყოს, რომ თვითმმართველობის არჩევნებზე, მიუხედავად იმისა, ვაწერთ თუ არა შეთანხმებას ხელს, 43 პროცენტი უზრუნველყოს ყველა პარტიამ, რომ "ქართულმა ოცნებამ" ვერ აიღოს. ამიტომ, ჩვენ ძალიან დიდი სამუშაო, დიდი ბრძოლა გვაქვს წინ.

საპარლამენტო საქმიანობა ნიშნავს იმას, რომ "ქართულ ოცნებას" არ დარჩეს არცერთ ეტაპზე, არცერთი მიმართულებით კომფორტი და არცერთი ხმა", - განაცხადა დეკანოიძემ.

მან აღნიშნა, რომ ჩატარებული კვლევით და მოსახლეობასთან შეხვედრით პარტიის მხარდამჭერთა უმრავლესობა საპარლამენტო საქმიანობის გაგრძელებას ემხრობოდა.

"მოხარული ვარ, რომ პარტიამ ეს გადაწყვეტილება მიიღო, რადგან ეს არ არის მხოლოდ ჩვენი პარტიისთვის მნიშვნელოვანი გადაწყვეტილება, ეს არის ქვეყნისთვის მნიშვნელოვანი გადაწყვეტილება", - განაცხადა დეკანოიძემ.

მან განმარტა, რომ ამ ეტაპზე დაზუსტებით უცნობია, როდის და რა ფორმით დაიწყებს პარტია საპარლამენტო საქმიანობას.

ცნობისთვის, პარტიის პოლიტსაბჭოს გადაწყვეტილებით, "ნაციონალური მოძრაობა" პარლამენტში შედის, მაგრამ ევროპული საბჭოს პრეზიდენტის შარლ მიშელის მედიაციით მიღებულ დოკუმენტს ხელს არ აწერს.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა