უახლოეს ორ თვეში "ლელო" დაფუძნებული იქნება საქართველოს მასშტაბით, - ამის შესახებ პარტიის თავმჯდომარე მამუკა ხაზარაძემ განაცხადა.
მისივე თქმით, “ლელო" ამთავრებს პირველადი ორგანიზაციების კონფერენციებს.
„ღონისძიებამ გადააჭარბა მოლოდინს, რადგან იყო საკმაოდ სერიოზული კონკურენცია და რაც მთავარია გამჭვირვალობა. დემოკრატიული პრინციპები, არჩევითობა რომელიც დავნერგეთ პარტიაში. შიდაორგანიზაციული არჩევნები მიმდინარეობს ძალიან გამჭვირვალედ.
უახლოეს დღეებში, მსგავსი კონფერენციებით ჩვენ გავემგზავრებით რეგიონებში. უახლოეს ორ თვეში, პარტია "ლელო" დაფუძნებული იქნება პირველადი ორგნიზაციებით მთელი საქართველოს მასშტაბით, - განაცხადა ხაზარაძემ.
ცნობისთვის, დღეს პარტია “ლელოს“ თბილისის ადგილობრივი ორგანიზაციების შემაჯამებელი კონფერენცია გაიმართა.
შიდა ორგანიზაციული არჩევნები პარტია "ლელოში" 16 მაისს დაიწყო და დღეს სრულდება. აირჩიეს თბილისის ათივე რაიონული ორგანიზაციის მმართველი რგოლი.
არჩევნების პროცესში "ლელოს" 867 ახალი წევრი შეუერთდა.