ვარლამ გოლეთიანი - დილის 05:00 საათზე ვართ საჭირო, გთხოვთ, ვისაც შეგიძლიათ, დარჩეთ - არ უნდა მივცეთ კომპანიას საშუალება, რომ ხეობაში მანქანები შემოიყვანოს

"ნამახვანჰესის" წინააღმდეგ პროტესტის ერთ-ერთმა ორგანიზატორმა ვარლამ გოლეთიანმა გუმათში შეკრებილებს მოუწოდა, რომ დილის 05:00 საათამდე დარჩნენ, რათა კომპანიას არ მისცენ საშუალება, რომ ხეობაში მანქანები შეიყვანოს.

"დილის 05:00 საათზე ვართ საჭირო მეგობრებო. გთხოვთ, რომ ვისაც შეგიძლიათ დარჩეთ. კაცებს მოგმართავთ განსაკუთრებით. კომპანიას უნდა გადავუკეტოთ გზა. დავმშვიდდეთ დღეს. არ უნდა მივცეთ საშუალება კომპანიას, რომ ხეობაში მანქანები შემოიყვანოს", - განაცხადა ვარლამ გოლეთიანმა.

ცნობისთვის, "ნამახვანჰესის" მოწინააღმდეგეებსა და პოლიციას შორის დღეს ვითარება რამდენჯერმე დაიძაბა. აქციის მონაწილეების განცხადებით, მათი ნაწილი ხეობაში გადასვლას ტყის ბილიკით ცდილობდა, რისი საშუალებაც მათ პოლიციამ არ მისცა. მოგვიანებით, ვითარება " გუმათჰესთან" უშუალოდ იმ ტერიტორიაზე დაიძაბა, სადაც ბარიკადებია აღმართული. აქტივისტები რკინის ჯებირებს აწვებოდნენ და ხელებს ურტყამდნენ. შსს-ს ინფორმაციით, დაკვებულია ერთი პირი.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„მაკდონალდს საქართველო“ Mc Happy Day-ის საქველმოქმედო კამპანიას იწყებს