„ელგრინი” ელექტროენერგიის იმპორტის 2021 წლის აპრილის ფასებს ასაჯაროვებს

ენერგეტიკულმა კომპანია „ელგრინმა“ 2021 წლის აპრილში განხორციელებული ელექტროენერგიის იმპორტის ტარიფები გაასაჯაროვა.

როგორც „ინტერპრესნიუსისთვის“ კომპანიის მიერ მიწოდებულ პრეს-რელიზშია აღნიშნული, მაღალი საზოგადოებრივი ინტერესის გათვალისწინებით, „ელგრინი“ განაგრძობს 2021 წლის იანვრიდან დაწყებულ პრაქტიკას და საქართველოში იმპორტირებული ელექტროენერგიის მოცულობებსა და ტარიფებს ყოველთვიურად აქვეყნებს.

„2021 წლის აპრილში საქართველოში ელექტროენერგიის იმპორტმა 259.6 მილიონი კილოვატ/საათი შეადგინა. აქედან, 173.4 მილიონი კილოვატ/საათი -რუსეთიდან, 36.2 მილიონი კილოვატ/საათი- აზერბაიჯანიდან, ხოლო 50.1 მილიონი კილოვატ/საათი- თურქეთიდან შემოვიდა.

რუსეთიდან 173.4 მილიონი კილოვატ/საათის იმპორტი სრულად მოხმარდა აფხაზეთის მოხმარების დაბალანსებას და არც ესკოს და არც სახელმწიფო ბიუჯეტს ამაში თანხა არ გადაუხდია.

36.2 მილიონი კილოვატ/საათიდან 23.1 მილიონიკილოვატ/საათი „ელგრინმა“ ესკოს 3.9/3.9/6.9 ცენტად მიაწოდა, ხოლო 13.1 მილიონი კილოვატ/საათის მიწოდებაზე გარიგება პირდაპირ მომხმარებლებთან შედგა“,- ნათქვამია „ელგრინის“ მიერ გავრცელებულ ინფორმაციაში.

მათი განმარტებით, კომპანია „ელგრინის“ წარმომადგენლები Galt & Taggart-ის მიერ საქართველოს ელექტროენერგიის ბაზრის კვლევის გამოქვეყნებულ შედეგებს გამოეხმაურნენ და აღნიშნეს, რომ კვლევა მკაფიოდ ასახავს საქართველოს ელეტროენერგეტიკული ბაზრის ტენდენციებს და რეალობას, მათ შორის, იმპორტირებული ელექტროენერგიის ფასებისა და მოცულობების შეფასების კუთხით.

„კვლევამ კიდევ ერთხელ დაადასტურა ჩვენს მიერ არაერთხელ აღნიშნული ფაქტი, რომ აზერბაიჯანიდან იმპორტირებული ელექტროენერგია იაფია როგორც თურქეთიდან, ასევე რუსეთიდან იმპორტირებულ ელექტროენერგიაზე“, - აღნიშნა „ელგრინის“ სამეთვალყურეო საბჭოს წევრმა, ზურაბ ნოღაიდელმა.

„კომპანია „ელგრინი” ელექტროენერგიის ტრანსასაზღვრო ვაჭრობით არის დაკავებული და ელექტროენერგიის ტრანზიტს აზერბაიჯანიდან თურქეთში საქართველოს გავლით აწარმოებს.

2015 წლიდან კომპანია აზერბაიჯანიდან იაფი ელექტროენერგიის იმპორტს საქართველოშიც ახორციელებს”-, ნათქვამია ინფორმაციაში.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა