გიორგი სიორიძე - მნიშვნელოვანია, ცესკომ ხელახალი შესარჩევი კონკურსები გამოაცხადოს, რათა საოლქო კომისიებში ახალი წევრები ცესკოს განახლებულმა შემადგენლობამ, 2/3-ის კვორუმით აირჩიოს

კრიტიკულად მნიშვნელოვანია, ცესკომ ხელახალი შესარჩევი კონკურსები გამოაცხადოს, რათა საოლქო კომისიებში ვაკანტურ ადგილებზე ახალი წევრები ცესკოს განახლებულმა შემადგენლობამ, უკვე 2/3-ის კვორუმით აირჩიოს, - ამის შესახებ „ლელოს“ წევრმა გიორგი სიორიძემ განაცხადა.

მისივე თქმით, აღნიშნული პროცესი არჩევნების მიმართ ნდობას გააჩენს.

„შარლ მიშელის დოკუმენტის ხელმოწერის შემდეგ, ცესკომ 4 საოლქო კომისიაში 5-წლიანი ვადით აირჩია წევრები. დღეს მთაწმინდისა და დმანისის საოლქო კომისიებში აპირებს თითო წევრის არჩევას. შარლ მიშელის დოკუმენტით გათვალისწინებული ამბიციური საარჩევნო რეფორმის გატარებამდე დარჩენილია დაახლოებით 3-4 კვირა. ამის შემდეგ, ცესკოში 8 ოპოზიციური პარტია დანიშნავს წევრებს. ამიტომ, შარლ მიშელის შეთანხმების მიზნებიდან გამომდინარე, კრიტიკულად მნიშვნელოვანია, ცესკომ ხელახალი შესარჩევი კონკურსები გამოაცხადოს, რათა საოლქო კომისიებში ვაკანტურ ადგილებზე ახალი წევრები ცესკოს განახლებულმა შემადგენლობამ, უკვე 2/3-ის კვორუმით აირჩიოს და მიანიჭოს ამ პროცესს ის ლეგიტიმაცია, რომელიც საზოგადოებაში საარჩევნო ადმინისტრაციის და შესაბამისად, არჩევნების მიმართ ნდობას გააჩენს”, - განაცხადა სიორიძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს