ამირან გამყრელიძის განცხადებით, ახალი დადგენილების თანახმად, თუ საქართველოში შემოდის ორჯერადად აცრილი ადამიანი, მას მაინც დასჭირდება ნეგატიური PCR ტესტის წარდგენა

ახალი დადგენილების თანახმად, თუ საქართველოში შემოდის ორჯერადად აცრილი ადამიანი, მას მაინც დასჭირდება ­ნეგატიური PCR ტესტის წარდგენა. ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ ჟურნალისტებისთვის გამართულ ვებინარზე განაცხადა.

მისივე განმარტებით, თუ ადამიანი საქართველოში მხოლოდ ნეგატიური PCR ტესტით შემოდის, მას 72 საათში საკუთარი ხარჯებითი განმეორებითი PCR ტესტის ჩატარება მოუწევს.

„შემოსული ტურისტებისთვის, აუცილებელია ნეგატიური PCR ტესტის არსებობა ბოლო 72 საათის განმავლობაში. დღეს ახალი დადგენილება გამოდის, სადაც იქნება შესაბამისი რეგულაციები. თუ შემოდის ორჯერადად აცრილი ადამიანი, მას მაინც სჭირდება ნეგატიური PCR ტესტი, თუ ადამიანი შემოდის მხოლოდ ნეგატიური PCR ტესტით, მაშინ იმ ადამიანმა შემდგომი 72 საათის განმავლობაში უკვე თავისი ხარჯებით უნდა ჩაიტაროს PCR ტესტი. მას საზღვარზე მიეცემა ჩამონათვალი ლაბორატორიების, რომელიც ქვეყნის მასშტაბით 50-მდეა, სადაც მათ შეუძლიათ ჩაიტარონ PCR ტესტი, ისე რომ, ქვეყნის დატოვებისას ჰქონდეთ მათ შესაბამისი საბუთი, რომ მეორე PCR-იც 72 საათში იყო უარყოფითი. წინააღმდეგ შემთხვევაში, რა თქმა უნდა, იქნება შესაბამისი ჯარიმა,“- განაცხადა გამყრელიძემ.

ამასთანავე, როგორც გამყრელიძემ განაცხადა, თუ ტურისტი საქართველოში ყოფნისას დაინფიცირდება, მას მკურნალობის ხარჯები სამოგზაურო დაზღვევის ფარგლებში უნდა აუნაზღაურდეს, რომელშიც იქნება ჩადებული კოვიდდაზღვევის კომპონენტიც.

„ყველა ტურისტულმა კომპანიამ თავისი პარტნიორები უნდა გააფრთხილოს, რომ ტურისტები იყვნენ შესაბამისად დაზღვეულები, სადაც დაზღვევის ბარათში იქნება კოვიდდაზღვევის კომპონენტიც ანუ თუ დასჭირდა ადამიანს შემდგომ საქართველოში მკურნალობა შესაბამისმა დაზღვევამ უნდა აუნაზღაუროს ეს მკურნალობა. ამასთან დაკავშირებით, ჯანდაცვის სამინისტროს წარმოდგენილი აქვს ცვლილებები შესაბამის დადგენილებებში, კანონმდებლობაში და ვფიქრობ, რომ ეს დროულად იქნება მიღებული,“- განაცხადა ამირან გამყრელიძემ.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში